English |
ᐃᓄᒃᑎᑐᑦ |
Français
Nanngariyauyuq Edna Ekhivalak Elias
Nunavutip Kamisinaa
Ihumagittiaqtauhimayuq ilihaiyi uqauhikkullu ayuittuq, Edna Elias amigaittunik havakpiaqpaghimayuq nunaminut tikkuaqtauhimayuq Kamisinaugiami Nunavunmut.
Ms. Elias nunagiyaa Kugluktuk, Nunavut, tahamani haamlatkunni katimayiuvaktuq miiyauvaghunilu.
Ms. Eliasip ilitarnaqtuq havaattiarivaktait aullaqtiqtut nuqarhiit iliharviani ilihaiyiupluni Kugluktumi Ikpiarjukmilu 1980mi. 1980ni, havakpaktuq Ikhivautaqatigiyaupluni uvani Nunatsiaqmi Nunaqaqqaatuni Uqauhikkut Havakatigiikhutik Katimayiinni, Aulapkaiyiuvaghunilu Uqauhiliqiviani uumani Havakviani Pitquhikkut Havaaghaliqinikkullu.
1990ni, havakpaktuq iliharvikmi atannguyaupluni Kugluktumi, imaalu Atannguyanut Ikayuqliuvaghuni uvani Nunavut Tunngavitkunnik Iqaluktuuttiami.
2000mi, Atannguyauvaktut uvani Ilagiiktunut Nunalingnilu Ikayuqtiuyuni uvani High Level, Alberta-mi, taapkunanilu kingulliinni ukiuni havakpaktuq nutaqqanut nunalingnunlu pivallialiurnirnut Nunatsiaqmi.
Ms. Elias havakpakturlu Inuinnaqtun uqaqtiupluni numiktitaqtiuplunilu. Uqaqtiuvakturlu Maligaliurvikmi Nunavunmi uvanilu qauyiharnirni Nunavunmiunnik. Kangannuaq, havakpaktuq ukununga Kavamaliqiyitkunni uvani qauyiharnirni igluqpaghailliurnikkut Nunavunmiunnut.
Havagaaqpangnirmini, Ms. Elias havakpiarhimayuq aghuurharnirnik Inuit pitquhiinni. Havagutigivaktait tiliniit Nunaqaqqaaqtuni Ilitariyauhimayunilu Uqauhini havagutainnik ukununga Kavamatkunnut Maligaliurvikmullu Nunatsiaqmi, aullaqtiqtithugu Edmonton Inuit Pitquhikkut Katimayiit imaalu nanminiqarhuni aulapkarhugulu inmi uqaqtinikkut, numiktaqtirinikkut uqautiginikkullu havakvikmik.
Ms. Elias pingahunik nutaralik uqayuktuqlu Qaplunaatut, Inuinnaqtun, Inukmilu.
Apiqhuutikhat Quviahuutjutigivlugit Tuhaqtitjutikhanik
