ᑐᙵᓱᒋᑦ
ᓄᓇᕗᒥ

ᐃᓕᖅᑯᓯᓕᕆᔩᒃᑯᑦ ᐱᒋᐊᕐᓂᖓ | ᖃᐅᔨᒋᐊᕆᔅᓯ ᐅᕙᑦᑎᓐᓄᑦ | ᓄᓇᙳᐊᑦ | ᑮᓇᐅᔭᖅᑐᕈᑎᔅᓴᐃᑦ
ᑐᑭᖏᓐᓂ ᑎᑎᕋᖅᓯᒪᔪᓂᒃ ᖃᐅᔨᒋᐊᕐᓂᖅ | ᖃᕋᓴᐅᔭᒨᖅᑲᐃᓂᖅ ᐃᓄᑦᑎᑐᑦ ᑎᑎᕋᐅᓯᕐᓂᑦ

ᒥᓂᔅᑕ

ᐃᖅᑲᓇᐃᔭᕐᕖᑦ ᒥᔅᓵᓄᑦ

ᓄᓇᓕᓐᓂᒃ ᐱᓕᕆᐊᔅᓴᐃᑦ

ᐱᖅᑯᓯᖅ ᐃᑦᑕᕐᓂᓴᕐᓗ

ᑕᑯᔭᒐᖃᕐᕕᒃ

ᐅᖃᐅᓯᓕᕆᓂᖅ

ᐅᖃᓕᒫᒐᓕᐅᕐᓂᕐᒧᑦ ᓵᓚᒃᓴᕋᓱᐊᕐᓂᖅ

ᓄᓇᕘᒥ ᐱᖃᐃᔭᕐᓂᕐᒧᑦ ᐱᓐᖑᐊᕐᓂᖅ ᐱᓇᓱᐊᕈᓯᕆᓂᐊᕐᒪᒍ

ᐱᓐᖑᐊᖅᑐᓕᕆᔩᑦ ᓄᓇᕗᒻᒥ

ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔩᑦ

2005
ᐅᖃᓕᒫᒐᓕᐅᕐᓂᕐᒧᑦ ᓵᓚᒃᓴᕋᓱᐊᕐᓂᖅ

ᐅᖃᓕᒫᒐᓕᐅᕈᓐᓇᕐᓂᕐᒧᑦ ᓄᓇᕗᒻᒥ ᓵᓚᒃᓴᖅᑕᐅᓂᐊᖅᑐᑦ ᐱᒋᐊᖅᑕᐅᓯᒪᓕᕐᒪᑦ ᐃᓕᖅᑯᓯᓕᕆᔨᒃᑯᓐᓂ ᐊᕐᕌᒍᑕᒫᑦ ᐃᓕᓴᕆᔭᐅᔾᔪᑎᐅᕙᒃᑐᖅ ᐊᔭᐅᖅᑐᖁᓪᓗᒋᑦ ᑎᑎᕋᖅᑎᐅᔪᑦ ᐅᖃᓕᒫᒐᓕᐊᖏᑦ ᓴᖅᑭᑕᐅᕚᓪᓕᖁᓪᓗᒋᑦ ᐅᖃᓕᒫᒐᓐᖑᖅᑎᑕᐅᓗᑎᒃ ᐃᓄᒃᑎᑐᑦ/ᐃᓄᐃᓐᓇᖅᑐᓪᓗ ᑎᑎᕋᖅᓯᒪᓗᑎᒃ ᑐᓂᔭᐅᓯᒪᔪᑦ. ᐃᓕᖅᑯᓯᓕᕆᔨᒃᑯᑦ ᑐᓂᓯᓂᐊᖅᑐᑦ ᓵᓚᒃᓴᖅᑎᑦᑎᓗᑎᒃ ᑮᓇᐅᔭᓂᒃ ᐊᕐᕌᒍᑕᒫᑦ ᒪᕐᕉᓗᑎᒃ: ᓵᓚᒃᓴᖅᑐᖅ ᓯᕗᓪᓕᖅ $6000, ᐊᐃᑉᐸᖓ ᑐᒡᓕᖓᓃᑦᑐᖅ $4000.

ᐅᖃᓕᒫᒐᓕᐊᖕᒍᔪᑦ ᐅᑯᐊ ᒥᒃᓵᓅᖓᒋᐊᖃᓚᐅᖅᑐᑦ: ᑎᔅᓯᓇᖅᑐᓂᒃ

ᕿᓂᖅᑐᒍᑦ ᐅᓂᒃᑳᓂᒃ ᑎᔅᓯᓇᖅᑐᓂᒃ ᐃᓄᒃᑎᑐᑦ / ᐃᓄᐃᓐᓇᖅᑐᓪᓗ. ᓂᕈᐊᖅᑕᐅᔾᔪᑎᒋᒐᔭᖅᑕᖓ ᐅᓂᒃᑳᖓ ᐃᓱᒪᒃᓴᖅᓯᐅᑎᐊᖅᓯᒪᓗᓂ, ᐅᖃᐅᓯᖏᑦ ᐅᖃᖅᓯᒪᑦᑎᐊᖕᓂᖏᑦ ᐊᒻᒪᓗ ᑎᔅᓯᓇᕐᓂᖓ.

ᐅᖃᓕᒫᒐᓕᐅᖅᓯᒪᓕᕇᖅᑐᑦ ᐅᕝᕙᓘᓐᓃᑦ ᐃᒪᓐᓇᐅᔭᕆᐊᖃᕐᓂᖓᓄᑦ ᑎᑎᕋᖅᓯᒪᔪᑦ, ᐊᔾᔨᓕᐅᖅᓯᒪᔪᑦ (ᑭᐳᒥᐅᑕᐃᑦ) ᐅᖃᓕᒫᒐᑦ, ᑭᐳᒥᐅᑕᐃᓪᓘᓐᓃᑦ ᐅᖃᓕᒫᒐᖃᑦᑎᐊᖏᑦᑐᑦ, ᑲᑎᖅᓱᖅᑕᐅᓯᒪᔪᑦ ᐊᐱᖅᓲᑎᐅᔪᕕᓃᑦ, ᑕᑯᒋᐊᕈᑎᒃ ᓇᓗᓇᐃᔭᖅᑕᐅᔾᔪᑎᖏᑦ, ᑲᑎᖅᓱᖅᓯᒪᔪᑦ ᑭᒃᑯᓐᓂᑦ ᑕᐃᒍᐃᑐᐃᓐᓇᖅᖢᑎᒃ, ᐊᓯᖏᓪᓗ ᐅᖃᓕᒫᒐᑦ ᐅᖃᓕᒫᒐᖃᖏᓗᐊᖅᑐᑦ.

160 ᐅᖓᑖᓂ ᓇᒃᓯᐅᔾᔨᔪᖃᓚᐅᖅᑐᑦ ᐅᓂᒃᑳᖅᑐᐊᓂᒃ ᓂᕈᐊᖅᑎᖃᓚᐅᖅᑐᖢᑕ ᐅᑯᐊ ᑕᕝᕙ ᓂᕈᐊᖅᑎᒋᓚᐅᖅᑕᑦᑎᓐᓂ ᓂᕈᐊᖅᑕᐅᔪᑦ…ᐃᕝᕕᑦ ᑕᐃᒪ ᓂᕈᐊᕈᕕᑦ!

ᐅᖃᓕᒫᕆᐊᕆᑦ ᐱᐅᒋᓛᕐᓂᓪᓗ ᓂᕈᐊᕐᓗᑎᑦ ᐅᑯᓇᓐᖓᑦ :

1. ᐊᐃᕝᕙᒋᐅᕋᓱᐊᕈᑎᒥᓂᕋ ᓯᕗᓪᓕᕐᐹᒥᒃ

ᑕᐃᓱᒪᓂ 1970ᖏᓐᓂ ᐅᐱᕐᖔᑯᑦ ᐱᖃᑎᒐᓗ ᐊᐅᓪᓚᓚᐅᕐᓯᒪᒐᓐᓄᒃ ᑕᕝᕙᖓᓐ ᐸᖕᓂᕐᑑᒥ ᓇᑦᑎᕐᓯᐅᕆᐊᖅᑐᓄᒃ. ᓯᓚᖓᓗ ᐊᒃᓱᒻᒪᕆᐊᓗᒃ ᓯᓚᑦᑎᐊᕙᐅᓪᓗᓂ ᐊᒻᒪ ᐅᖅᓱᐊᑎᐊᖅᑐᓂ ᐃᒪᖅ. ᓇᑦᑎᖅᓯᐅᕆᐊᖅᑐᓄᒃ ᐃᑭᕋᓴᐅᑉ ᖃᓂᒋᔮᓄᓐ ᑕᒪᓐᓇᓗ ᐃᒪᖅ ᓯᑯᕋᓵᑐᓂ. ᑕᐃᓱᒪᓂᐅᖕᒪᑦ ᖃᔭᕆᐊᕐᒧᑦ ᐅᒥᐊᖅᑐᓚᐅᖅᓯᒪᔪᒍᒃ ᐊᒻᒪᓗ ᐊᖁᒋᐊᖃᖅᑐᓂ ᐊᖁᐊᒍᑦ. ᐊᐅᓪᓚᕋᓐᓄᒃ ᐊᖁᑦᑐᖓ ᓲᖃᐃᒻᒪ ᑖᓇ ᖃᔭᕆᐊᖅ ᐊᑖᑕᒪ ᐱᒋᖕᒪᒍ. ᐊᖑᓇᓱᒡᕕᒋᔭᑦᑎᓄᑦ ᖃᓂᒋᔮᓄᕋᓐᓄᒃ ᓯᑯᕋᔭᑦᑎᐊᖅᑐᖅ ᐊᒻᒪ ᐊᔅᓱᑦ ᐅᖅᓱᐊᖅᑐᓂ. ᓯᑯᒥ ᖃᑭᓯᒪᓪᓗᓄᒃ ᐅᑕᕿᐅᑲᐃᓐᓇᖃᑦᑕᖅᑐᒍ ᑏᑐᕐᐸᒃᑐᓄᒃ. ᐊᓱᐃᓛᒃ ᐅᒥᐊᖅᑐᓯᖕᒥᔪᒍᒃ ᓯᑯᒥ ᖃᑭᓯᒪᓚᐅᖅᑐᓄᒃ ᑏᑐᓚᐅᖅᑐᓄᒃ. ᓯᑯᕋᔮᖕᒪᓐ ᓇᐅᒃᑯᑐᐃᓇᖅ ᐊᑯᓂᐅᖏᑦᑐᖅ ᐅᒥᐊᖅᑐᓕᕐᑎᓪᓗᓄᒃ ᐊᐃᑉᐸᕋ ᓯᕗᒻᒪᓐ ᖁᑭᐅᑎᐅᑉ ᕿᕐᖑᑎᖓᒍᑦ ᐃᒡᒐᐅᔭᕐᐸᒃᑐᓂ. ᐆᑦᑐᕐᒥᒃ ᑕᑯᓪᓗᓂ ᓯᑯᒦᑐᒥᒃ ᐊᖁᒃᑲᒪ ᐅᐸᑉᐸᓪᓕᐊᓕᖅᑐᑎᑯ ᖃᓪᓕᕙᓪᓕᐊᓪᓗᑎᒍ ᐊᐃᐸᕐᒪ ᐅᖃᐅᑎᓪᓗᓂᖓ ᑖᓐᓇᒎᖅ ᐆᑦᑐᖅ ᐅᔾᔫᓂᕋᖅᑐᓂᐅᒃ ᓇᑦᑎᐅᒃᐸᑦ ᐊᖏᓗᐊᖅᑐᐊᓘᖕᒪᓐ. ᖃᓪᓕᕙᓪᓕᐊᑐᐃᓐᓇᖅᑐᑎᒃᑯ ᐊᐃᑉᐸᕐᒪ ᖃᐅᔨᔾᔫᒥᕚ ᐊᐃᕕᐅᔭᕆᐊᖓ. ᖃᓄᐃᓕᐅᕐᓂᐊᕆᐊᒃᓴᖅ ᖃᐅᔨᒪᓐᖏᑦᑐᐃᓐᓇᐅᓪᓗᓄᒃ ᐊᐃᕝᕙᓚᐅᖅᓯᒪᖏᑦᑐᐃᓐᓇᐅᒐᓐᓄᒃ ᐊᒻᒪ ᖁᑭᐅᑎᕗᒃ ᓴᖏᔫᒥᓇᑎᒃ. ᐃᖃᐅᒪᑦᑎᐊᕈᒪ ᖁᑭᐅᑎᕗᒃ 222ᖑᓚᐅᖅᑑᒃ. ᖃᐅᔨᒐᑦᑎᒃᑯ ᐊᐃᕕᐊᓘᔮᕆᐊᖓᑦ ᐃᖏᕐᕋᐅᔮᖅᔪᒃᑐᓄᒃ ᐋᔨᕋᓕᖅᑐᒍᒃ ᐊᑕᐅᑦᑎᒃᑯᑦ ᖁᑭᕆᐊᕐᓂᐊᕋᑦᑎᒃᑯᑦ. ᐅᕙᖓ ᐊᖁᐊᒍᑦ ᐊᖁᑦᑐᖓ ᐅᖃᐅᑎᓪᓗᒍ ᖁᑭᕆᐊᕋᑦᓴᕈᖅᑲᑦ ᑕᑉᐸᐅᖓ ᓯᕗᐊᓄᑦ ᐅᓪᓚᓵᓂᐊᕐᓂᕋᖅᑐᖓ ᐊᑕᐅᑦᑎᒃᑰᕆᐊᕐᓂᐊᕐᓂᕋᕋᑦᑎᒃᑯ ᑐᖁᑦᑕᐅᑦᑎᒋᓂᐊᕐᒪᓐ. ᐊᓱᐃᓛᒃ ᖁᑭᕆᐊᒐᒃᓴᐅᓕᕐᒪᑦ ᐅᓪᓚᒃᓴᖅᑐᐊᓘᓕᖅᑐᖓ ᓯᕗᐊᓄᓐ ᐊᖁᑦᑐᖃᖏᑦᑎᐊᓕᖅᑐᓂ ᖁᑭᕆᐊᕋᑦᑎᒍᒃ ᖁᑭᖅᑐᑎᒃᑯ. ᖁᑭᕋᓗᐊᕋᑦᑎᒃᑯ ᑐᖁᓇᓂ ᖃᐅᔨᒪᔪᐃᓐᓇᐅᓕᖅᑐᓄᒃ ᐊᐃᕕᐅᔭᕆᐊᖓᑦ ᐊᒻᒪ ᐊᖅᑲᖅᑐᓂ. ᐃᓱᒪᐃᓐᓇᖅ ᐅᖅᓱᐊᕐᖓᑦ ᐃᖏᕋᐅᔮᖅᔪᒃᑐᓄᒃ ᓯᑯᐃᑦ ᐊᑯᓐᓂᖓᒍᑦ ᑕᐃᒫᒃ ᐃᖏᕐᕋᐅᔮᖅᔪᑐᐃᓐᓇᖅᑐᓄᒃ ᐊᐃᑉᐸᕐᒪ ᐅᖃᐅᑎᓪᓕᕐᒥᒑᖓ ᑐᓴᐅᒪᓂᕋᖅᑐᓂ ᐊᐃᕖᒡᒎᖅ ᐅᒥᐅᑎᑦᑎᓲᕌᓗᖕᒪᑕ. ᐊᖁᒃᑲᒪ ᐅᖃᐅᑎᑐᐊᕐᖔᖓ ᓯᑯᒧᑦ ᖃᑭᑦᑕᐅᑎᒋᔪᖓ ᐃᓕᒪᓱᓕᖅᔫᒥᔪᐊᓘᒐᒪ ᐅᒥᐅᑎᑦᑎᓲᖑᓂᖏᓐᓂᒃ ᑕᐃᓇ ᒪᓕᒐᓱᒃᑕᕗᑦ ᖁᔭᓈᖅᑐᑎᒃᑯ ᓯᑯᒦᑐᓄᔅᓱᓕ ᑐᓵᓕᕐᒥᔪᒍᒃ ᐳᐃᕙᓗᒻᒥᒃ ᐃᓛᒃ ᑕᑯᖏᒻᒪᕆᒃᑕᕗ ᐊᓂᕐᓃᓐᓇᖓ ᑐᓵᔭᕗᑦ ᓯᑯᕋᔭᒻᒪᓐ. ᒪᓕᒃᓴᖅᑖᓗᒋᓕᕐᒥᔭᕗᑦ ᐊᓂᖅᓵᖅᑐᕐᕙᓗᖕᓂᖓ ᑐᓵᓚᐅᖅᑐᑎᒃᑯ ᓱᓕ ᐊᖁᒃᑲᒪ, ᐃᖏᕋᓪᓗᓄᒃ ᐃᓱᒪᔪᐊᓗᑐᐃᓐᓇᐅᕙᓕᕐᒥᔪᖓ ᐅᖃᐅᓯᕆᖃᐅᔭᖓᓂᒃ ᐅᒥᐅᑎᑦᑎᓲᖑᓂᖏᓐᓂᒃ ᐊᐃᕖᑦ ᐊᓱᐃᓛᒃ ᐃᖏᕋᐅᔮᖅᔪᒃᑐᓄᒃ ᐊᖁᑦᑐᖓ ᐊᐃᑉᐸᕋ ᓯᕗᑎᓪᓗᒍ. ᐃᒫᓄᑦ ᕿᓂᖅᑐᐊᓘᕙᓕᕐᒥᔪᖓ ᐊᐃᕕᕐᒥᒃ ᕿᓂᑐᐃᓐᓇᕐᐸᓚᐅᕋᓗᐊᖅᑐᖓ ᐃᖅᑲᐃᒻᒥᒐᒪ ᐅᒥᐅᑎᑦᑎᓲᖑᓂᖏᓐᓂᒃ ᐊᐃᑉᐸᕋ ᐅᖃᐅᑎᖏᒻᒪᕆᑦᑐᒍ ᓯᑯᒧᑦ ᖃᑭᓕᕇᕐᒥᔪᒍ ᑕᕝᕙ ᐊᐃᕕᕐᒥᒃ ᒪᓕᒃᑐᓄ ᖃᑭᒐᓐᓄᒃ ᐊᐃᑉᐸᕋ ᐅᖃᐅᑎᓪᓗᒍ ᐊᐃᕕᕐᒧᑦ ᐅᒥᐅᑎᑕᐅᑦᑕᐱᐊᕋᓐᓄᒃ. ᒪᓕᑦᑕᕋᓗᐊᕗᒃ ᑕᑯᑲᓐᓂᖏᒻᒪᕆᑦᑐᒍ ᖃᑭᖅᓯᒪᓕᕐᒥᔪᒍᒃ ᓯᑯᒥ. ᐊᓱᐃᓛᒃ ᖃᑭᖅᓯᒪᓕᕐᒥᑎᓪᓗᓄᒃ ᐊᓂᖅᓵᑑᕙᓪᓗᖓᓐ ᑐᓵᓕᕐᒥᒐᑦᑎᒃᑯ ᐊᒥᓕᓴᖅᑖᓗᒋᓕᕐᒥᔭᕗᒃ ᓯᑯᖃᓂᖓᓄᕐᖔᖅ ᑕᑯᑲᓐᓂᔪᖏᑕᕗᑦ ᐃᓛᒃ ᐊᑕᐅᓯᐊᖅᑐᒍ ᑕᑯᔪᔭᕋᓗᐊᕗᒃ ᐆᑦᑑᑎᓪᓗᒍ ᑭᓯᐊᓂ. ᑕᐃᒫᒃ ᑕᕝᕙ ᐊᐃᕝᕙᒋᐅᕋᓱᓚᐅᕐᓯᒪᔪᖓ ᐅᐱᓐᓇᕋᓂ ᐊᓐᓇᐃᓚᐅᕐᓯᒪᔪᒐᑦᑎᒃᑯ. ᑭᖑᓂᐊᒍᑦ ᐸᖕᓂᖅᑑᒦᓕᖅᑐᖓ ᖃᐅᔨᓕᓚᐅᖅᓯᒪᔪᖓ ᓱᓇᐅᕝᕙ ᐊᕚᖏᑕᖓᒍᑦ ᖁᑭᕐᓂᕋᑦᑎᒃᑯᑦ ᑕᐃᒫᒃ ᑐᖁᓚᐅᖅᓯᒪᔪᖏᓚᖅ. ᖃᐅᔨᒪᓕᖅᑐᖓᓕ ᑭᖑᓂᐊᒍᑦ ᐊᐃᕙᒋᐅᑕᓚᐅᖅᓯᒪᓕᔪᕗᖓ.

2. ᐅᖃᓘᑎᕗᑦ ᓇᑲᑕᐅᑎᓪᓗᒍ

ᐅᓪᓗᖕᓂᒃ ᒪᕐᕉᖕᓂᒃ ᐃᒡᓚᓚᐅᕐᓯᒪᒐᒪ, ᑎᕖᑯᑦ ᓴᖅᑭᔮᖃᖅᖢᖓ ᐅᓪᓗᓕᒫᖅ ᐃᖃᓇᐃᔭᕐᐸᒃᖢᖓ, ᐅᖃᓘᓯᕆᔨᒃᑯᓐᓂᑦ ᐅᖃᓗᒃᕕᐅᓪᓗᖓ ᐅᖃᓘᑎᒐ ᐊᑭᓕᖏᒃᑯᒃᑯ ᓇᑲᑕᐅᓕᒑᓕᕐᒪᑦ, ᐅᖃᐅᑎᓪᓗᒍ, ᐱᓇᓱᐊᕈᓯᕐᒥᒃ ᐊᑭᓕᕐᑕᐅᒍᒪ ᐊᑭᓕᓛᕐᐸᕋ ᐅᖃᓘᑎᒐ. ᐊᑭᓕᖅᑕᐅᒐᒪ ᐊᑭᓕᕆᐊᒃᓴᖅ ᐳᐃᒍᕐᓂᖅᖢᒍ. ᐅᑭᐊᒃᓵᒃᑰᓪᓗᓂ ᓯᓚ ᓂᓪᓚᓱᒃᑐᐊᓘ ᓕᖅᖢᓂ, ᐃᒡᓗᒐ ᐊᑕᐅᓯᕐᒥᒃ ᐹᖃᕐᖢᓂ, ᐃᒃᓘᒻ ᐃᓗᐊ ᒪᓴᒃᑐᐊᓘᖃᑕᕐᒪᓐ, ᐅᐃᒐ ᐊᒻᒪ ᐸᓂᒐ ᐊᓂᓕᕋᒥᒃ, ᐃᒃᓗ ᑮᒃᖢᓂᐅᒃ ᐃᒐᓛᑦ ᑕᒪᕐᒥᑦᑎᐊᖅ ᒪᒃᐱᖅᖢᓂᒋ ᐊᓂᓪᓗᑎᒃ. ᐃᖅᑲᓇᐃᔭᕐᕕᖕᓄᑦ ᖃᐃᓯᒫᓚᓚᐅᕐᖢᑎᒃ. ᐊᓂᓯᒪᓕᖅᑎᓪᓗᒋᑦ ᐅᖃᓗᒃᕕᐅᒐᒪ, ᐊᐱᕆᔭᐅᓪᓗᖓ ᐅᖃᓪᓘᑎᖃᕈᓐᓃᕋᔅᓰ? ᐊᒃᑳᕐᖢᒍ ᐅᖃᓗᖅᑲᐅᒐᒪ ᐅᕙᑦᑎᓄᑦ, ᐅᖃᐅᑎᒐᒃᑯ, ᐅᕙᑦᑎᓐᓄᑦ ᐅᖃᓗᒋᐊᕌᓪᓚᓚᐅᕐᓗᖓ ᐅᖃᓗᒃᕕᒋᓂᐊᕐᐸᒋᑦ, ᐅᖃᓗᒋᐊᕋᒪ ᐊᔪᕐᓇᖅᖢᓂ ᐃᓕᓚᐅᕐᓗᒍ ᐆᒃᑐᒃᑲᓐᓂᖁᔭᐅᑲᑕᒃᖢᖓ, ᐃᖅᑲᐃᓕᖅᖢᖓ ᓇᑲᑕᐅᓂᐊᓚᐅᖅᑐᖅ ᐅᖃᓘᑎᕗᑦ, ᐅᖃᓗᒃᕕᒋᐊᓪᓚᓚᐅᖅᖢᒍ ᓇᓗᓇᐃᕐᕕᒋᓇᓱᒃᖢᒍ ᓇᑲᑕᐅᓂᖓᓂ ᐅᖃᓘᑎᕗᑦ. ᐅᓐᓄᒃᑎᓪᓗᒍ ᐊᖏᕋᕋᒪ ᐅᐃᒐ ᓇᑎᕐᒥ ᐃᒃᓯᕚᕐᖢᓂ ᐅᖄᓚᐅᑎᕗᑦ ᓴᕐᓕᐊᕐᖢᓂᐅᒃ, ᐅᖃᑲᐅᑎᒋᓪᓗᓂ ᐅᖄᓚᐅᑎᒎ ᖁᐊᖂᕐᒪᑦ ᐊᔪᓕᕐᒪᑦ, ᐅᖂᓴᐅᑎᕗᑦ ᐃᓱᓕᑦᑎᐊᕐᖢᓂᐅᒃ ᐃᒃᓗ ᐅᖂᔪᐊᓘᓗᓂ, ᐃᒃᓘᒻ ᓴᓂᕌᖓᓄᐊᕐᖢᓂᐅᒃ ᐅᖄᓚᐅᑦ ᐊᐅᒃᓯᕋᓱᑲᑕᒃᖢᓂᐅᒃ ᐊᔪᕈᓃᖅᑎᓐᓇᓱᒃᑕᖓ, ᐅᕙᖓ ᖃᐅᔨᒪᒐᒪ ᐅᖄᓚᐅᑎᕗᑦ ᓇᑲᑕᐅᓯᒪᓕᖅᑐᖅ ᐅᖃᓘᑎᖃᖁᓐᓃᕐᑐᖅ, ᐅᖃᓘᑎ ᐃᒍᑦᑎᕐᐸᒃᖢᓂᐅᒃ ᐅᑦᑐᑲᓂᕐᐸᒃᖢᓂᐅᒃ ᐊᕿᒐᓱᒃᑕᖓ ᐅᖃᐅᑎᓇᓱᒃᑲᓗᐊᕐᖢᒍ ᐊᔪᕐᓯᓯᒪᓲᔭᓕᕐᖢᖓ ᐃᒃᓚᓗᐊᒧᑦ ᐅᖃᓘᑎᕗᑦ ᓇᑲᑕᐅᓂᖓᓂ ᐅᖃᓘᑎᕗᑦ ᓇᑲᑕᐅᓯᒪᔪᕈᓗᒃ ᐋᕿᒐᓱᒃᖢᓂᐅᒃ ᐅᖂᔪᐊᓘᓗᓂ ᓇᑎᕐᒥᒃ ᐃᒃᓯᕚᖅᑐᖅ ᐃᓯᓚᐅᕐᓯᒪᔪᖓ.

3. ᖁᕐᕕᖕᓈᕐᔪᒃ

ᕿᑭᖅᑕᖅ ᐊᑎᖃᖅᑐᖅ ᖁᕐᕕᖕᓈᕐᔪᖕᒥ ᒥᑭᖢᓂ, ᐅᕕᖓᓪᓗᓂ ᐃᒥᖅᑯᑕᐃᓚᓕᒻᒪᕆᐊᓗᒃ ᑐᓴᐅᒪᓇᖅᑐᖅ ᐅᓇᒎᖅ ᐅᕕᖓᕗᖅ ᐃᒥᖅᑯᑕᐃᓚᓂᒃ ᐅᕕᖅᑎᑕᐅᓂᑯ ᐃᒥᖅᑯᑕᐃᓚᖃᓗᐊᕐᓂᑯᒧᑦ ᐃᒥᖅᑯᑕᐃᓚᐃᑦ ᐅᓄᓗᐊᕐᓂᑯᒧᑦ ᐅᕿᓐᖏᓗᐊᕐᓂᕐᒪᑕ ᕿᑭᖅᑕ ᐅᕕᖅᑎᑕᐅᔪᕕᓂᖅ ᐃᒥᖅᑯᑕᐃᓚᓄᑦ. ᓄᓇᓕᕋᓛᖑᔭᖅᑐᖅᖢᑕ ᐅᐱᕐᖏᕕᒋᓂᐊᕐᑕᑎᓐᓄᑦ ᐊᐅᓪᓚᖅᖢᑕ ᑕᖕᒫᕐᕕᒋᓗᑎᒍᑦ ᑖᓐᓇ ᕿᑭᖅᑕᖅ ᖁᕐᕕᖕᓈᕐᔪᒃ. ᐅᕕᖓᔪᐊᓘᖕᒪᑦ ᑕᒪᓇ ᐅᔭᖃᓂᒃ ᐃᓂᕗᑦ ᐋᕿᒃᓱᕐᖢᑎᒍ ᐳᖅᑐᓯᓪᓗᓂ ᖃᖕᒪᑎᑐᑦ ᓇᑎᖃᓕᖅᖢᑕ. ᓯᕙᑖᕐᕕᐅᖕᒪᑦ ᐅᐃᕐᖓᓕᕐᖢᑕᓗ ᑕᖕᒫᕇᕋᑦᑕ ᓯᓂᓕᖅᖢᑕ. ᐃᖅᑯᒪᕋᑦᑕ ᓈᑦᑏᖑᔭᐅᓕᖅᖢᓂ ᐃᒥᖅᑯᑕᐃᓛᓗᐃᑦ ᐅᓪᓛᒃᑯᑦ ᓯᓂᒃᕕᒃᓴᐅᔪᓃᖅᑐᑦ ᕿᔅᓯᓇᖅᑐᐊᓗᐃᑦ ᐃᖅᑯᒪᓕᕋᑦᑕ ᕿᑐᖓᒃᑲ ᐃᓂᖅᑎᑲᑕᒃᖢᒋᑦ, ᖃᐅᒃᐸᑦ ᓇᒡᒐᔾᔭᒥ ᐱᑭᐅᕐᓯᐅᖔᓛᕐᒪᑕ ᓯᓂᒃᓵᓕᖁᓕᖅᖢᒋ ᐃᓚᖏᑦ ᓯᓂᒍᒪᖏᒃᑲᓗᐊᕐᖢᑎᒃ 12ᒧᐊᕐᐸᑦ ᐱᑭᐅᕐᓯᐅᕈᒪᓪᓗᑎᒃ ᐋᒃᑳᕐᖢᒋᑦ ᓯᓂᓚᐅᕐᓗᓯ ᑭᓯᐊᓂ ᐱᑭᐅᕐᓯᐅᕐᓂᐊᖅᑐᓯ, ᓯᓚᐃᕐᕆᓪᓗᒋᑦ ᓯᓂᓕᖅᐸᑕ ᐃᓄᑑᓗᖓ ᐱᑭᐅᕐᓯᐅᕈᒪᓪᓗᖓ. ᐊᓱᐃᓛᒃ ᐃᓐᓇᖅᑎᖅᖢᑎᒃ ᓯᓂᒍᓐᓇᐃᓪᓕᐅᖅᑲᓲᔭᓚᐅᖅᖢᑎᒃ ᐊᑖᑕᖓᓪᓗ ᓯᓂᒐᓱᖃᑕᐅᒋᓪᓗᓂ ᓯᓂᓐᖑᐊᓲᔭᓚᐅᖅᖢᖓ ᓯᓂᓕᖅᑐᐃᓐᓇᐃᑦ ᓇᓗᓇᕈᓐᓃᕐᒪᑕ ᒪᑭᕋᔮᕋᒪ ᑕᑯᒋᐊᕋᒃᑭᑦ ᓯᓂᒃᑐᐃᓐᓇᐅᓕᖅᑐᑦ. ᐊᓱᐃᓛᒃ ᐃᖏᓐᓇᒪ ᖃᓪᓖᒃᑲᒃ ᐊᑎᐊᕐᔪᒃᖢᒋᑦ ᓂᐅᖏᓐᓈᑲᒃ ᒪᔪᖅᑎᕿᖏᖦᖢᖓ ᐃᒡᓕᕐᒥᑦ ᓂᑯᕕᖢᖓ, ᑕᕝᕙᓕ ᓇᑎᕐᒧᐊᒻᒪᕆᒃᖢᖓ ᒪᔪᖅᑎᕿᔪᒪᓕᕋᒪ ᑕᐃᒃᑯᓂᖓ ᖃᕐᓕᖃᖅᖢᖓ ᓇᓪᓗᖏ ᓂᕈᑐᔪᑦ ᐊᓪᓗᕆᐊᖅᖢᖓ ᓇᑎᕐᒧᑦ ᐃᒡᓗᐊ ᑐᑎᐊᓪᓚᖕᓂᖅᖢᒍ ᐅᓪᓚᒃᓯᔪᐊᓘᒐᒪ ᑕᒪᒃᑯᐊ ᓵᒥᐅᑖᓗᒃᑲ ᐊᖅᑯᓵᖅᖢᒋᑦ ᐃᕐᖑᓯᐊᓗᐃᑦ ᓱᐴᔪᕐᓗ ᓱᑳᐲᑦ ᑏᓪᓗ ᑭᓯᐊᓂ ᑐᐱᐅᑉ ᐅᖓᑖ ᑐᓗᕋᒃᑯ ᓄᖅᑲᑕᐃᓐᓇᖅᖢᖓ ᑐᐱᕐᓗ ᐱᕈᐃᕐᖢᓂ ᐊᒻᒪᓗ ᐹᓕᖅᓯᒪᖕᒪᑦ ᑐᐱᖅᐳᑦ ᑕᒪᓐᓇ ᐃᓗᐊ ᑭᒃᑭᐊᖏᖅᖢᓂ. ᓄᖅᑲᕋᒪ ᐅᕐᕈᓪᓗᖓ ᐅᐊᓴᕐᕕᒃᑯᓪᓗᒃ ᐊᒐᑦᑎᓐᓄᑦ ᒥᖒᓕᕌᖓᑦᑕ ᐅᐊᓴᕐᕕᒋᖃᑦᑕᖅᑕᕗᑦ ᐅᒃᐸᑎᓄᐊᑦᑎᐊᖅᖢᓂ ᓱᕋᒃᖢᓂ. ᐃᓚᒃᑲ ᕿᕕᐊᕋᒃᑭᑦ ᑕᒪᕐᒥᑦᑎᐊᖅ ᐃᖁᒻᒪᖅᖢᑎᒃ ᖁᒃᓴᓪᓚᓗᐊᕐᓂᑯᒧᑦ ᐅᐃᑦᑕᑑᖅᑐᐊᓘᓪᓗᑎᒃ ᐃᔨᖏᑦ ᐊᐅᐸᖅᑐᐊᓘᓗᑎᒃ ᐊᐱᕆᔪᖃᖅᖢᓂᓗ ᖃᓄᐃᑦᑐᐊᓘᕕᑦ? ᓯᓚᖅᑲᑎᕗᑦ ᑐᐹᖅᐸᓵᕋᒃᑭᑦ ᐊᕕᓗᖅᑲᑑᓗᐊᒧᑦ ᐃᒡᓚᓗᐊᒧᓪᓗ. ᐱᑭᐅᖅᓯᐅᕈᓐᓃᕐᖢᖓᓗ ᐃᓐᓇᕋᒻᒪ ᓯᓂᒐᓱᑐᐃᓐᓇᓕᖅᖢᖓᓗ.

ᓂᕈᐊᓕᕆᑦ ᑎᔅᓯᒋᓛᕐᓂᒃ ᐅᖄᓚᓗᑎᑦ, ᑎᑎᕋᕐᓗᑎᒡᓘᓐᓃᑦ:

ᖃᓄᖅ ᓂᕈᐊᕈᓐᓇᖅᐳᖓ?
ᐅᖄᓚᓗᑎᑦ: 867-975-5521 ᓂᐱᓕᐅᕐᓇᖅᑐᒃᑯᑦ ᐅᖃᕐᓗᑎᒃ ᓂᕈᐊᖅᑕᕐᓂᒃ

ᖃᕆᑕᐅᔭᒃᑯᑦ :	cley@gov.nu.ca
ᓱᒃᑲᔪᒃᑯᑦ :	867-975-5504 / 5523 / 5522
ᑎᑎᕋᕐᕕᒃᑯᑦ:	2005 ᓄᓇᕗᒻᒥ ᐅᖃᓕᒫᒐᓕᐅᕐᓂᕐᒧᑦ ᓵᓚᒃᓴᕋᓲᒃᑐᑦ ᐃᓕᖅᑯᓯᓕᕆᔨᒃᑯᑦ ᑎᑎᕋᕐᕕᖓ 1000, ᐃᓂᖓ 800 ᐃᖃᓗᐃᑦ, ᓄᓇᕗᑦ X0A 0H0
ᖃᕆᑕᐅᔭᒃᑯᑦ ᑕᑯᒋᐊᕐᕕᐅᔪᓐᓇᖅᑐᑦ:	www.gov.nu.ca/cley

ᓂᕈᐊᖅᓯᓇᓱᒃᑐᓄᑦ ᒪᑐᕝᕕᐅᓂᐊᖅᑐᖅ ᐅᓪᓗᑐᐃᓐᓇᖅ, ᒪᐃ 31, 2005 – 5 ᐅᓐᓄᓴᒃᑯᑦ ᑲᓇᖕᓇᕐᒥᐅᑦ ᐅᐊᔅᓯᖓ ᒪᓕᔅᓗᒍ ᓵᓚᒃᓴᖅᑐᖅ ᐅᖃᖅᑕᐅᓂᐊᖅᖢᓂ, ᔫᓂ 3, 2005ᒥ!


Roman Inuktitut

ᒐᕙᒪᑯᑦ ᑐᑭᓯᒋᐊᕐᒃᕕᖓ ᐱᓕᕆᕖᑦ ᐱᓕᕆᕕᐅᑉ ᑐᕌᕐᒃᑕᕐᕕᖓ ᐱᖁᔭᓕᐅᕐᒃᑎᓄᑦ ᒥᓇᔅᑑᔪ ᓄᓇᕗᑦᒧᑦ ᑲᒥᓴᓇ ᑕᐃᒍᓯᕐᒃᓄᑦ ᑐᑭᓯᒋᐊᕈᑏᑦ ᐅᒥᖕᒪᒃᑑᕐᒃ ᐱᔪᒪᔭᖏ ᓇᒥᓂ ᖃᕐᒃᑐᓄᑦ ᐱᔪᓇᐅᑎᖏᑦ ᐊᖓᔪᖄᖑᔪᓄᑦ ᐅᖃᐅᓰᑦ !ᑭᓇᐅᔭ ᐃᓕᓂ ᐊᕈᑎᓄᓗᐃᓗᓕᖏᑦ