ᐃᖅᑲᓇᐃᔭᕐᕖᑦ ᒥᔅᓵᓄᑦ

ᐃᓕᖅᑯᓯᓕᕆᔨᒃᑯᑦ ᐋᖅᑭᑦᑕᐅᓚᐅᖅᓯᒪᕗᑦ ᓯᕗᓕᐅᖅᑕᐅᖁᓪᓗᒋᑦ ᓄᓇᕗᑦ ᒐᕙᒪᒃᑯᖏᑦ ᐋᖅᑭᒃᓱᐃᕙᓪᓕᐊᑎᓪᓗᒋᑦ ᐊᒻᒪᓗ ᐊᑐᓕᖅᑎᑦᑎᓗᑎᒃ ᐊᑐᐊᒐᕐᓂᒃ, ᐱᓕᕆᐊᓂᒃ ᐊᒻᒪᓗ ᐱᔨᑦᑎᕋᕐᓂᖏᓐᓂᒃ ᑕᒪᒃᑯᐊ ᐃᓕᖅᑯᓯᐅᔪᑦ, ᐅᖃᐅᓯᖅ, ᐃᑦᑕᕐᓂᓴᐃᑦ ᐊᒻᒪᓗ ᐃᖃᐃᓕᓴᕐᓂᐅᔪᖅ ᓄᓇᕘᒥ ᖁᕝᕙᐹᓪᓕᖁᔭᐅᓪᓗᑎᒃ. ᑖᒃᑯᐊ ᐃᓕᖅᑯᓯᓕᕆᔨᒃᑯᑦ ᐱᔨᑦᑎᕋᖅᐸᑉᐳᑦ ᐃᓄᓐᓂᒃ ᑭᓇᒃᑯᑐᐃᓐᓇᕐᓂᒃ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᒃ ᐊᓪᓚᒡᕕᖃᖅᑐᑎᒃ ᐃᖃᓗᓐᓂ, ᖃᒪᓂ’ᑐᐊᕐᒥᒃ, ᐃᒡᓗᓕᒻᒥ, ᐊᒻᒪᓗ ᖁᕐᓗᖅᑑᒥ. ᐃᓕᖅᑯᓯᓂᕆᔨᒃᑯᑦ ᐱᔾᔪᑎᒋᔭᒥᓂᒃ ᑲᔪᓯᑎᑦᑎᐊᖅᑐᑦ ᐅᑯᑎᒎᓇᖅ: ᐅᔾᔨᕈᓱᓕᖅᑎᑦᑎᑲᓐᓂᕋᓱᒡᓗᑎᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᖅᑕᐅᓗᑎᑦᐃᖅᑲᓇᐃᔭᕐᓂᕐᒨᖓᓗᓂᑦ; ᐅᔾᔨᕈᓱᓕᖅᑎᑦᑎᑲᓐᓂᕋᓱᒡᓗᑎᒃ ᐃᓄᐃᑦ ᐅᖃᐅᓯᖓᓂᒃ ᐊᑐᖃᑦᑕᖅᑐᓂᒃ ᐃᖅᑲᓇᐃᔭᕐᕕᖕᓂᑦ ᐊᕕᑦᑐᖅᑕᐅᓯᒪᔪᓕᒫᒥᓪᓗ; ᐅᔾᔨᕆᔭᐅᑎᑦᑎᒃᑲᓐᓂᕋᓱᒃᑐᑦ ᐊᑐᐃᓐᓇᐅᑎᑦᑎᓪᓗᑎᒡᓗ ᖃᐅᔨᒋᐊᕈᑎᓂᒃ ᐱᓕᕆᔾᔪᑎᓂᒡᓗ ᓄᓇᕗᑉ ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓂᒃ ᓄᓇᓕᓕᒪᓂᑦ; ᐅᖃᓕᒫᒐᖃᕐᕕᓕᒫᑦ ᐱᔨᑦᑎᕋᕐᓂᖏᑦ ᓄᓇᕘᒥ ᐋᖅᑭᐅᒪᑎᑕᐅᑦᑎᐊᖃᑦᑕᖅᑐᑎᒃ; ᐃᑲᔪᖅᑕᐅᓪᓗᑎᒃ ᑮᓇᐅᔭᓕᐅᕋᓱᐊᓐᖏᑦᑐᑦ, ᐃᓄᐃᑦ ᐱᓕᕆᕝᕖᓪᓗ ᓄᓇᖃᖅᑐᑦ ᑕᒫᓂ ᐱᓕᕆᐊᖃᑦᑎᓪᓗᒋᑦ ᐃᓕᖅᑯᓯᕐᒥᒃ, ᐅᖃᐅᓯᕐᒥᒃ ᐊᒻᒪᓗ ᐱᖅᑯᓯᕐᒥᒃ; ᑲᔪᖏᖅᓴᐃᓪᓗᑎᑦ ᐃᑲᔪᖅᑐᐸᑦᑐᑎᒃ ᐃᖃᐃᓕᓴᕐᓂᕐᒥᒃ ᐃᑲᔪᖅᑐᐃᕙᑦᑐᑎᒃ ᐱᓐᖑᐊᐸᑦᑐᓂᒃ ᐊᒻᒪᓗ ᓄᓇᓕᓐᓂᒃ ᐱᓐᖑᐊᕈᓘᔭᖅᐸᑦᑐᓂᒃ; ᐊᒻᒪᓗ ᑐᓴᐅᒪᖃᑦᑕᐅᑎᑎᑦᑎᒋᐊᖅᐸᑦᑐᑎᒃ ᐃᓐᓇᕐᓂᒃ, ᒪᒃᑯᒃᑐᓂᒃ ᐊᒻᒪᓗ ᒐᕙᒪᒃᑯᓐᓂᒃ.

ᒪᓕᒋᐊᖅᐸᑦᑕᕗᑦ ᐱᒻᒪᕆᐅᔪᕆᔭᕗᓪᓗ

• ᐃᖅᑲᒋᑦᑎᐊᕐᓗᒋᑦ ᐋᖅᑭᒃᓱᖅᐸᓪᓕᐊᓗᒍᓗ ᐱᓇᓱᐊᖅᑕᕗᑦ 2004-2009.

• ᐃᖅᑲᓇᐃᔭᕐᓂᖃᕐᓗᑕ ᑕᒪᒃᑯᐊ ᒪᓕᑦᑕᐅᓗᑎᒃ ᐃᓄᐃᑦ ᐅᑉᐱᕆᔭᖏᑦ ᑕᒪᒃᑯᑎᒎᓇ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ.

• ᓄᓇᕘᒥᐅᑕᐅᔪᑦ ᑐᓴᐅᒪᖃᑦᑕᐅᑎᒌᒍᓐᓇᖁᓪᓗᒋᑦ ᐃᓕᓴᕆᔭᐅᓯᒪᔪᒃᑯᑦ ᐅᖃᐅᓯᒃᑯᑦ ᐊᑐᖅᐸᑦᑕᖏᑎᒍᑦ, ᑕᒪᒃᑮᓂᒃ ᐃᖅᑲᓇᐃᔭᖅᑎᓪᓗᒋᑦ ᐊᒻᒪᓗ ᐱᔨᑦᑎᕋᖅᑕᐅᔪᒪᓕᕋᐃᑉᐸ ᒐᕙᒪᒃᑯᓐᓄᑦ.

• ᐊᑐᓕᖅᑎᑕᐅᖃᑦᑕᕐᓗᓂ ᐃᓱᒪᓕᐅᕈᓯᐅᔪᖅ ᐋᖅᑭᒃᓱᖅᑕᐅᓯᒪᔪᖅ ᖃᐅᔨᒋᐊᕐᕕᖃᖅᑳᖅᑐᑎᒃ ᐊᒻᒪᓗ ᐋᔩᖃᑎᒌᖃᑦᑕᖅᑐᑎᒃ.

• ᐱᓕᕆᖃᑎᒋᓗᒋᑦ ᐊᓯᖏᑦ ᐱᓕᕆᕝᕕᐅᔪᑦ, ᒐᕙᒪᒃᑯᑦ, ᑲᑐᔾᔨᖃᑎᒌᑦ, ᐃᓄᐃᑦ ᑲᑐᔾᔨᖃᑎᒌᒃᑯᖏᑦ ᐊᒻᒪᓗ ᓄᓇᓕᐅᔪᑦ ᐃᑲᔪᖅᓱᕈᓐᓇᖁᓪᓗᒋᑦ ᓄᓇᓕᐅᔪᑉ ᓇᒻᒥᓂᖅ ᐊᐅᓚᔪᓐᓇᕐᓂᖓᑦ.

• ᐃᓚᐅᑎᑦᑎᖃᑦᑕᕐᓗᑎᑦ ᐅᖃᐅᔾᔭᐅᔪᓐᓇᖃᑦᑕᕐᓗᑎᓪᓗ, ᐊᒻᒪᓗ ᐃᖅᑲᒋᔭᐅᑦᑎᐊᕐᓗᑎᑦ ᐃᓄᐃᑦ ᐊᓯᖏᑕ ᐃᓱᒪᓕᐊᕆᓯᒪᔭᖏᑦ.

• ᐱᓕᕆᐊᖏᑦ ᐱᔨᑦᑎᕋᐅᑎᖏᓪᓗ ᐊᑐᐃᓐᓇᐅᔪᑦ ᑐᑭᓯᔭᒃᓴᐅᑦᑎᐊᕐᓗᑎᑦ ᓄᓇᕘᒥᐅᑕᓕᒫᓄᑦ.

• ᓴᐳᔾᔭᐅᓗᑎᒃ ᐱᔪᓐᓇᐅᑎᖏᑦ ᐃᓄᐃᑦ ᐊᑐᓂ ᐊᒻᒪᓗ ᑕᒪᒃᑯᐊ ᑲᑐᔾᔨᖃᑎᒌᖑᔪᑦ ᐊᔾᔨᒌᓐᓂᒃᑯᑦ ᑲᒪᒋᔭᐅᖃᑦᑕᕐᓗᑎᒃ ᑮᓇᐅᔭᓂᒃ ᑐᒃᓯᕋᖅᑐᒥᓂᐅᑎᓪᓗᒋᑦ ᐊᖏᖅᑕᐅᖃᑦᑕᕐᓗᑎᓪᓗ ᑕᑉᐱᐅᑎᓯᒪᓐᖏᑦᑐᒃᑯᑦ.

• ᐊᑐᖅᑕᐅᑦᑎᐊᕐᓗᑎᒃ ᑮᓇᐅᔭᖃᖅᑎᑕᐅᓂᖏᑦ

• ᐃᓅᖃᑎᒌᑦᑎᐊᖅᑎᑦᑎᓇᓱᐊᕐᓗᑎᒃ

• ᐃᑲᔪᖅᑐᖅᑕᐅᓗᓂ ᐃᓅᓯᓕᒫᒧᑦ ᐃᓕᓐᓂᐊᕐᓂᐅᔪᖅ

ᒪᓕᒐᐃᑦ: