|
ᐃᖅᑲᓇᐃᔭᕐᕖᑦ ᒥᔅᓵᓄᑦ
(ᖃᐅᔨᒋᐊᕐᓗᒋᑦ)
ᑎᑎᕋᖅᓯᒪᓂᖏᑦ ᑐᕌᒐᖏᑦ
ᐃᓕᖅᑯᓯᓕᕆᔩᒃᑯᑦ ᑲᔪᓯᑎᑦᑎᓂᐊᖅᑐᖅ ᑐᕌᒐᖏᓐᓂ ᐃᒫᒃ: ᓯᕗᒃᑲᑕᕐᓗᑎᒃ ᒐᕙᒪᒃᑯᓐᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ
ᐱᓕᕆᐊᖏᓐᓂ; ᓴᖅᑭᔮᖅᑎᑦᑎᓗᑎᒃ ᐊᑐᖅᑕᐅᔪᓐᓇᕐᓂᖏᓐᓂ ᐃᓄᐃᑦ ᐅᖃᐅᓯᖓ ᐃᖅᑲᓇᐃᔭᕐᕕᓐᓂᒃ ᓄᓇᕗᒻᒥᓗ; ᐃᑲᔪᕐᓗᑎᒃ
ᑮᓇᐅᔭᓕᐅᕋᓱᐊᖅᑎᐅᙱᑦᑐᓂᒃ, ᓄᓇᓕᓐᓃᑦᑐᓂᒃ ᐃᓄᓐᓂᒃ ᑲᑐᔾᔨᖃᑎᒌᓐᓂᓪᓗ ᑐᕌᖓᔪᓂᒃ ᐱᖅᑯᓯᕐᓄᑦ, ᐅᖃᐅᓯᕐᓄᑦ
ᐃᑦᑕᕐᓂᓴᓕᕆᓂᒥᓪᓗ; ᐅᖃᖃᑎᒋᖃᑦᑕᕐᓗᒋᑦ ᑲᑐᔾᔨᓗᑎᒃ ᐃᓐᓇᐃᑦ ᐃᓅᓱᑦᑐᐃᓪᓗ ᒐᕙᒪᒃᑯᓐᓂᓪᓗ; ᐊᒻᒪᓗ
ᓂᐱᖃᖅᑎᐅᓪᓗᑎᒃ ᐱᔪᓐᓇᐅᑎᖏᓐᓂ ᐊᕐᓇᐃᑦ ᐃᓄᐃᓪᓗ ᑎᒥᒥᑎᒍᑦ ᐊᔪᕈᑎᓕᓐᓂᒃ.
ᑐᓴᕋᔅᓴᕈᖅᑎᑕᐅᓯᒪᔪᑦ
ᑐᓴᕈᒥᓇᖅᑐᑦ
ᑲᑎᒪᔩᑦ ᐊᑎᖏᑦ
ᑕᑯᓐᓇᖅᑕᖏᑦ
ᐃᓕᖅᑯᓯᓕᕆᔩᒃᑯᑦ ᐃᓕᓴᖅᓯᓯᒪᔪᑦ ᑕᒪᒃᑯᐊ ᑲᔪᓯᒋᐊᖃᕐᓂᖏᓐᓂ ᐃᓅᔾᔪᑕᐅᔪᑦ ᐊᒻᒪᓗ ᐅᑉᐱᕈᓱᑦᑐᓂᒃ ᐃᓄᐃᑦ
ᐱᖅᑯᓯᖏᓐᓂ, ᐅᖃᐅᓯᖏᓐᓂ ᐊᒻᒪᓗ ᐃᑦᑕᕐᓂᓴᖏᓐᓂ, ᑕᒪᒃᑯᐊ ᑲᔪᓯᑎᑐᐃᓐᓇᕆᐊᖃᖅᑕᕗᑦ ᓄᓇᕗᒻᒥᐅᑕᓕᒫᓄᑦ
ᒐᕙᒪᒃᑯᓄᓪᓗ. ᑕᐃᒪᓕ ᐱᓕᕆᖃᑎᖃᕆᐊᖃᕐᓂᐊᖅᑐᑦ ᐃᓐᓇᕐᓂᑦ, ᐃᓅᓱᑦᑐᓂᒃ, ᐊᕐᓇᕐᓂᑦ ᐊᒻᒪᓗ ᐃᓄᓐᓂᒃ ᑎᒥᒥᑎᒍᑦ
ᐊᔪᕈᑎᓕᓐᓂᒃ. ᐱᖃᑕᐅᑎᖃᑦᑕᕐᓗᑎᒃ ᐃᓱᒪᓕᐅᕋᓱᐊᕐᓂᑎᓐᓂ ᐊᒻᒪᓗ ᐅᑉᐱᕆᓗᒋᑦ ᐅᑉᐱᕆᔭᖏᑦ ᐊᒻᒪᓗ ᑐᓴᐅᒪᔭᖏᑦ
ᓄᓇᕗᒻᒥᐅᑕᕐᓂᑦ, ᑕᒪᒃᑯᐊ ᐃᓄᐃᑦ ᐱᖅᑯᓯᖏᑦ ᓴᖅᑭᕈᓐᓇᖅᑕᕗᑦ ᐊᒻᒪᓗ ᐅᖃᐅᓯᖏᑦ ᐊᑐᕐᓗᒋᑦ ᐃᖅᑲᓇᐃᔭᕐᕕᓐᓂ.
ᐃᓕᖅᑯᓯᓕᕆᔩᒃᑯᑦ - ᐱᔭᕇᖅᐸᓪᓕᐊᓂᖓ ᑲᓱᕐᓂᖓ
ᐊᓯᖏᓐᓂᓪᓕ ᐱᑕᖃᙱᑦᑐᖅ ᐊᓯᐊᓂᑦ ᒐᕙᒪᒃᑯᓐᓂ ᓇᒥᑐᐃᓐᓇᖅ, ᐃᓕᖅᑯᓯᓕᕆᔩᒃᑯᑦ
ᓴᖅᑭᖅᑕᐅᓚᐅᖅᓯᒪᔪᖅ ᐸᖅᑭᑦᑎᔨᐅᓂᐊᖅᑐᓂᒃ ᐊᒻᒪᓗ ᓴᖅᑭᔮᖅᑎᑦᑎᓗᑎᒃ ᐃᓄᐃᑦ ᐱᖅᑯᓯᖏᓐᓂ, ᐃᑦᑕᕐᓂᓴᖏᓐᓂ ᐊᒻᒪᓗ
ᐅᖃᐅᓯᖏᓐᓂ. ᑕᒪᓐᓇ ᐊᖏᔪᐊᓗᒃ ᐃᓄᐃᑦ ᐱᖅᑯᓯᕆᒻᒪᒍ, ᑖᒃᑯᐊᓗ ᐃᖅᑲᓇᐃᔭᕐᕕᐅᔪᖅ, ᐱᓕᕆᖃᑎᖃᖃᑦᑕᖅᑐᑦ
ᐃᓐᓇᕐᓂᑦ ᓄᓇᓕᓐᓂᒃ ᐊᒻᒪᓗ ᐊᐅᓚᑦᑎᓪᓗᑎᒃ ᐊᑐᖅᑐᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐅᕝᕙᓘᓐᓃᑦ ᐱᖅᑯᓯᖏᓐᓂ ᐃᓄᐃᑦ
ᖃᐅᔨᒪᓂᖏᓐᓂ. ᐱᖅᑯᓕᕆᔨᒃᑯᑦ ᑲᒪᖃᑦᑕᖅᑐᑦ ᑕᒪᒃᑯᐊ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᓕᖅᑎᑕᐅᒋᐊᖃᕐᓂᖏᓐᓂ ᓄᓇᕗᑦ
ᒐᕙᒪᒃᑯᖏᓐᓄᑦ. ᐱᖅᑯᓯᓕᕆᔨᒃᑯᑦ ᐱᔨᑦᑎᕋᖅᑐᑦ ᑭᒃᑯᑐᐃᓐᓇᕐᓂᑦ ᐊᒻᒪᓗ ᒐᕙᒪᒃᑯᓐᓂ ᐊᓪᓚᕕᖏᓐᓂ ᐃᖃᓗᓐᓂ,
ᐃᓪᓗᓕᒻᒥ ᐊᒻᒪᓗ ᖁᓪᓗᖅᑑᒥ.
ᐃᓚᑦᑕᐅ. ᐱᖅᑯᓯᓕᕆᔨᒃᑯᑦ ᐊᑐᐃᓐᓇᐅᑎᑦᑎᒐᓱᐊᖅᑐᑦ ᓄᓇᕗᒻᒥᐅᑕᕐᓂᑦ ᐱᔪᓐᓇᕋᔭᖅᑕᖏᓐᓂ ᐃᓄᓐᓄᑦ
ᐊᑐᖅᑕᐅᔪᒪᔪᓄᑦ, ᐱᓕᕆᐊᕆᔪᒪᔭᖏᓐᓄᑦ ᐊᒻᒪᓗ ᐅᑉᐱᕆᔭᐅᔪᓄᑦ ᐊᕙᑎᑦᑎᓐᓄᑦ ᐃᓄᐃᑦ ᐱᖅᑯᓯᖏᓐᓂ, ᐅᖃᐅᓯᖏᓐᓂ
ᐃᑦᑕᕐᓂᓴᖏᓐᓂᓪᓗ. ᐃᓚᖓᑦᑕᐅ ᐊᑐᖅᑕᐅᖃᑦᑕᖅᑐᖅ ᐱᖅᑯᓯᓕᕆᔨᒃᑯᑦ ᐊᑐᐃᓐᓇᐅᑎᑦᑎᒐᓱᐊᕐᒥᔪᑦ ᓄᓇᕗᒻᒥᐅᑕᕐᓄᑦ
ᑮᓇᐅᔭᓂᒃ ᑐᓂᕐᕈᑎᔅᓴᓂᒃ ᐃᑲᔫᑎᒋᒐᔭᖅᑕᖏᓐᓂ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᐊᒻᒪᓗ ᐃᓄᓐᓄᑦ ᐱᓕᕆᐊᔅᓴᓂᒃ
ᐱᒋᐊᖅᑎᑦᑎᒍᒪᔪᓂᒃ ᐊᒻᒪᓗ ᑐᕌᖅᑐᓂᒃ ᓴᖅᑭᔮᖅᑎᑦᑎᓂᕐᒥᑦ ᐃᓄᐃᑦ ᐱᖅᑯᓯᖏᓐᓂ, ᐃᑦᑕᕐᓂᓴᖏᓐᓂ ᐅᕝᕙᓘᓐᓃᑦ
ᐅᖃᐅᓯᖏᓐᓂ.
ᒪᓕᒐᐃᑦ:
ᐃᑦᑕᕐᓂᓴᓕᕆᓂᕐᒧᑦ ᐱᖁᔭᐃᑦ
ᐅᐊᑦᑎᐊᕈᕐᓂᓴᕐᓄᑦ ᐱᖁᔭᐃᑦ
ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓄᑦ ᐱᖁᔭᐃᑦ
ᑕᑯᓐᓇᖅᑕᖏᑦ
ᐃᓕᖁᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓄᑐᖃᓕᕆᔨᒃᑯᑦ ᒪᒃᑯᒃᑐᓕᕆᔨᒃᑯᓪᓗ ᐃᓕᓴᖅᓯᓯᒪᔪᑦ ᑕᒪᒃᑯᐊ ᑲᔪᓯᒋᐊᖃᕐᓂᖏᓐᓂᒃ ᐃᓅᔾᔪᑕᐅᔪᑦ ᐊᒻᒪᓗ ᐅᑉᐱᕈᓱᑦᑐᓂᒃ ᐃᓄᐃᑦ ᐱᖅᑯᓯᖏᓐᓂ, ᐅᖃᐅᓯᖏᓐᓂ ᐊᒻᒪᓗ ᐃᑦᑕᕐᓂᓴᖏᓐᓂ, ᑕᒪᒃᑯᐊ ᑲᔪᓯᑎᑐᐃᓐᓇᕆᐊᖃᖅᑕᕗᑦ ᓄᓇᕗᒻᒥᐅᑕᓕᒫᓄᑦ ᒐᕙᒪᒃᑯᓄᓪᓗ. ᑕᐃᒪᓕ ᐱᓕᕆᖃᑎᖃᕆᐊᖃᕐᓂᐊᖅᑐᑦ ᐃᓐᓇᕐᓂᑦ, ᐃᓅᓱᑦᑐᓂᒃ. ᐱᖃᑕᐅᑎᖃᑦᑕᕐᓗᑎᒃ ᐃᓱᒪᓕᐅᕋᓱᐊᕐᓂᑎᓐᓂ ᐊᒻᒪᓗ ᐅᑉᐱᕆᓗᒋᑦ ᐅᑉᐱᕆᔭᖏᑦ ᐊᒻᒪᓗ ᑐᓴᐅᒪᔭᖏᑦ ᓄᓇᕗᒻᒥᐅᑕᕐᓂᑦ, ᑕᒪᒃᑯᐊ ᐃᓄᐃᑦ ᐱᖅᑯᓯᖏᑦ ᓴᖅᑭᕈᓐᓇᖅᑕᕗᑦ ᐊᒻᒪᓗ ᐅᖃᐅᓯᖏᑦ ᐊᑐᕐᓗᒋᑦ ᐃᖅᑲᓇᐃᔭᕐᕕᓐᓂ.
ᑐᕌᒐᖏᑦ ᐅᑉᐱᕆᔭᖏᓪᓗ
- ᐃᖅᑲᓇᐃᔭᕐᕕᓐᓂᒃ
ᐊᑐᕈᓐᓇᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ
- ᓄᓇᕗᒻᒥᐅᑕᐃᑦ ᐅᖃᖃᑎᖃᖁᓐᓇᕐᓗᑎᒃ ᐃᓕᓴᕆᔭᐅᓯᒪᔪᓂᒃ ᐅᖃᐅᓯᕐᓂᑦ ᐊᑐᕐᓗᑎᒃ ᐃᓱᒪᒥᓂᒃ, ᐃᖅᑲᓇᐃᔭᕐᕕᓐᓂᒃ
ᐊᒻᒪᓗ ᒐᕙᒪᒃᑯᓐᓂ ᐱᔨᑦᑎᖅᑕᐅᑎᓪᓗᒋᑦ-
- ᓴᖅᑭᔮᖅᑎᑦᑎᒍᓐᓇᕐᓗᑎᒃ ᐃᓱᒪᓕᐅᕈᓐᓇᕐᓂᖏᓐᓂ ᑲᑎᒪᓂᒃᑯᑦ ᐊᒻᒪᓗ ᐱᓂᐊᕐᓂᕋᕐᓂᖏᓐᓂ ᐊᖏᕈᑕᐅᓯᒪᔪᓄᒃ
ᐊᒥᓲᓂᖅᓴᓄᒃ ᐃᓪᓗᓂᒃ
- ᐱᓕᕆᖃᑎᖃᕐᓗᑎᒃ ᐊᓯᖏᓐᓂ ᐃᖅᑲᓇᐃᔭᕐᕕᓐᓂᒃ ᐃᑲᔪᖅᑐᐃᖃᑦᑕᐅᑎᓗᑎᒃ ᓄᓇᓕᓐᓂᒃ ᐊᒻᒪᓗ ᐃᒻᒥᓂᒃ
ᐊᐅᓚᒍᓐᓇᕐᓂᖏᓐᓂ
- ᒪᑐᐃᖓᑦᑎᐊᕐᓗᑎᒃ ᐱᖃᑕᐅᒍᓐᓇᕐᓂᖏᓐᓂ ᑐᓴᖅᑎᑦᑎᒍᓐᓇᕐᓂᖏᓐᓂ, ᐅᑉᐱᕈᓱᓪᓗᑎᓪᓗ ᐊᓯᖏᓐᓂ ᐃᓅᖃᑎᖏᓐᓂ
- ᑐᑭᓯᔭᐅᓯᒪᑦᑎᐊᖅᑐᓕᒃ ᐱᓕᕆᐊᔅᓴᓂᒃ ᐱᔨᑦᑎᕋᐅᑎᓂᓪᓗ ᐱᔭᐅᔪᓐᓇᕐᓗᑎᒃ ᓄᓇᕗᒻᒥᐅᑕᕐᓄᑦ
- ᐸᖅᑭᑦᑎᓗᑎᒃ ᐃᓄᓐᓂᒃ ᐊᒻᒪᓗ ᑲᑐᔾᔨᖃᑎᒌᑦ ᐱᔪᓐᓇᐅᑎᖏᓐᓂ ᓈᒻᒪᑐᒃᑯᑦ ᑕᐃᒪᐃᓪᓗᐊᖅᑎᑕᐅᓗᑎᒃ ᑕᒪᒃᑯᓂᖓ
ᕿᒥᕐᕈᔭᐅᔪᓂᒃ ᐊᖏᖅᑕᐅᓯᒪᔪᓂᓪᓗ ᑮᓇᐅᔭᓂᒃ ᑐᔅᓯᕌᖑᓯᒪᔪᓂᒃ
- ᐊᖏᓪᓕᕚᓪᓕᑎᑦᑎᓗᑎᒃ ᐃᓄᓐᓄᑦ ᑮᓇᐅᔭᓂᒃ ᐊᑐᖅᑕᐅᑦᑎᐊᕈᓐᓇᖅᑐᓂᒃ ᐊᑑᑎᖃᑦᑎᐊᖅᑐᓂᓪᓗ
- ᕿᒥᕐᕈᔪᓐᓇᕐᓗᑎᒃ ᖃᓄᐃᑦᑐᑐᐃᓐᓇᕐᓂᑦ ᐱᖅᑯᓯᓕᕆᔨᒃᑯᑦ ᑮᓇᐅᔭᖅᑐᕈᑎᔅᓴᖏᓐᓂ ᐃᓕᓐᓂᐊᑎᑦᑎᒍᑕᐅᒍᓐᓇᕐᓗᑎᒃ
ᑕᐃᔅᓱᒧᖓ ᑭᙵᐅᐃᑦ ᐊᖏᕈᑎᖓᓐᓄᑦ ᑐᕌᖅᑐᓂᒃ
ᐃᓄᐃᑦ ᖃᐅᔨᒪᔭᑐᖃᖏᑦ (IQ)
ᐃᓄᐃᑦ ᖃᐅᔨᒪᔭᑐᖃᖏᑦ ᑕᒪᓐᓇ ᐱᒋᐊᕈᑎᑦᑎᐊᕙᐅᓯᒪᔪᖅ ᓄᓇᕗᑦ ᒐᕙᒪᒃᑯᖏᓐᓄᑦ. ᑕᒪᓐᓇ ᐊᑕᖐᓪᓗᓂ
ᖃᓄᐃᑦᑐᑐᐃᓐᓇᓕᒫᓂᒃ ᐃᓄᐃᑦ ᐱᖅᑯᓯᖏᓐᓂ ᑕᒪᒃᑯᓂᖓ ᐅᑉᐱᕆᔭᖏᓐᓂ, ᓯᓚᕐᔪᐊᒥᓗ ᑕᑯᓐᓇᖅᑕᖏᓐᓂ, ᐅᖃᐅᓯᓕᕆᓂᖅ,
ᐃᓅᓯᓕᕆᓂᕐᒧᑦ ᑲᑐᔾᔨᖃᑎᒌᓐᓂᒃ, ᖃᐅᔨᒪᓂᕐᒥᑦ, ᐃᓅᓇᓱᐊᕐᓂᕐᒥᑦ, ᑐᑭᓯᔭᐅᓯᒪᔪᓂᒃ ᐊᒻᒪᓗ ᓂᕆᐅᒋᔭᐅᔪᓂᒃ.
ᐱᖅᑯᓯᓕᕆᔨᒃᑯᓐᓂ ᑐᕌᒐᖏᑦ ᐊᐅᓚᑦᑎᓂᕐᒥᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᓴᖅᑮᔪᖅ ᑕᒪᒃᑯᐊ ᓄᓇᕗᑦ
ᒐᕙᒪᒃᑯᖏᑦᑕ ᐱᓕᕆᐊᔅᓴᖏᓐᓂ ᐱᔨᑦᑎᕋᕐᓂᖏᓐᓂᓪᓗ.
ᐱᖁᔭᕗᑦ ᐊᑐᖅᐸᑦᑕᕗᓪᓗ ᑕᐃᒪᐃᓪᓗᐊᕆᐊᓖᑦ ᑕᒪᒃᑯᓄᖓ ᐃᓄᐃᑦ ᐅᑉᐱᕆᔭᖏᓐᓄᑦ,
ᐃᓕᖅᑯᓯᑐᖃᖏᓐᓄᑦ, ᐊᒻᒪᓗ ᐅᖃᐅᓯᖏᓐᓄᑦ.
ᐃᓄᐃᑦ ᐊᑯᓂᐊᓗᒃ ᐃᓕᖅᑯᓯᖃᖃᑦᑕᖅᓯᒪᔪᑦ ᐅᑉᐱᕆᔭᖏᓐᓂ ᒪᓕᑦᑐᑎᒃ ᐊᒻᒪᓗ ᐊᑐᖅᑐᑎᒃ. ᑕᒪᒃᑯᐊ
ᐅᑉᐱᕆᔭᖏᑦ ᐃᓅᓱᑦᑐᓄᑦ ᐃᓄᓐᓄᑦ ᐅᖃᐅᓯᐅᖃᑦᑕᖅᑐᑎᒃ ᐱᕈᖅᐸᓪᓕᐊᑐᐃᓐᓇᑎᓪᓗᒋᑦ ᐅᓂᒃᑳᖅᑐᐊᖅᑎᒍᑦ, ᐃᙱᒐᖅᑎᒍᑦ,
ᐅᓂᒃᑳᕐᓂᑐᐃᓐᓇᒃᑯᑦ ᐅᑉᐱᕆᔭᑐᖃᖏᑎᒍᓪᓗ ᐅᓂᒃᑳᕆᔭᐅᓪᓗᑎᒃ ᑕᐃᒫᒃ ᐃᖅᑲᐅᒪᔭᐅᖃᑦᑕᖅᑐᑦ.
|
