|
ᐱᖅᑯᓯᖅ ᐃᑦᑕᕐᓂᓴᕐᓗ
ᑕᑯᔭᒐᖃᕐᕕᒃ
ᕿᒥᕐᕈᐊᕐᓗᒍ ᓄᓇᕗᑦ ᐅᐊᑦᑎᐊᕉᓚᐅᖅᓯᒪᔪᖅ
ᐃᑦᑕᕐᓂᓴᓕᕆᔨᒃᑯᑦ ᑲᒪᔨᐅᔪᑦ ᐱᐅᖅᓱᐊᕐᓂᕐᒥᑦ
ᓄᓇᕗᑦ ᐱᑐᖃᖏᓐᓂ ᑕᒪᒃᑯᓂᖓ ᐃᑦᑕᕐᓂᓴᕐᓂᑦ, ᓄᓇᓂᒃ, ᑕᑯᔭᒐᖃᕐᕕᓐᓂᒃ ᐊᒻᒪᓗ ᐱᓕᕆᐊᔅᓴᓂᒃ ᐱᔨᑦᑎᕋᕐᓂᒥᓪᓗ
ᑲᒪᓪᓗᑎᒃ. ᐃᑦᑕᓂᓴᓕᕆᔨᒃᑯᑦ ᐃᑲᔪᖅᑐᐃᕙᑦᑐᑦ ᐱᕈᖅᐸᓪᓕᐊᓂᖏᓐᓂ ᓄᓇᕗᑦ ᓴᓇᙳᐊᖅᑎᖏᑦ ᓄᓇᓕᓐᓂᒃ ᐊᒻᒪᓗ
ᑎᑎᕋᖅᐸᓪᓕᐊᓪᓗᑎᒃ ᐱᖁᔭᕐᓂᑦ ᐊᒻᒪᓗ ᐱᓕᕆᐊᔅᓴᓂᒃ ᑐᕌᖓᔪᓂᒃ ᐱᐅᖅᓱᐊᕐᓂᕐᒥᑦ, ᐸᐸᑦᑎᓂᕐᒥᑦ ᐊᒻᒪᓗ ᑕᒪᒃᑯᓂᖓ
ᐊᑐᖅᑕᐅᕙᑦᑐᓂᒃ ᐱᖅᑯᓯᑐᖃᖏᓐᓂ ᓄᓇᕗᒻᒥ.
ᑐᕌᒐᖏᑦ:
- ᐱᓕᕆᕙᑦᑐᑎᒃ ᑕᒪᒃᑯᓂᖓ ᑲᒪᒋᔭᕆᐊᖃᑦᑕᖏᓐᓂ ᓄᓇᕗᒻᒥ ᓴᓇᙳᐊᖅᑕᐅᕙᑦᑐᓂᒃ
ᓄᓇᓕᓐᓂᒃ ᓴᖅᑭᐸᓪᓕᐊᓂᖏᓐᓂ.
-ᐸᐸᑦᑎᓗᑎᒃ, ᑲᒪᓗᑎᓪᓗ ᓴᖅᑮᕙᓪᓕᐊᓪᓗᑎᓪᓗ ᓄᓇᕗᑦ ᐱᖅᑯᓯᖏᓐᓂ ᐃᑦᑕᕐᓂᓴᖏᓐᓂᓪᓗ
ᒪᑯᑎᒎᓇ ᐃᑦᑕᕐᓂᓴᒃᑯᑦ, ᓄᓇᓕᕆᓂᕐᒧᓪᓗ ᐱᓕᕆᐊᔅᓴᓂᒃ
- ᐊᑯᓂᒧᓪᓗ ᐸᐸᑦᑎᒋᐊᖃᖅᑐᑎᒃ, ᐱᐅᖅᓱᐊᕐᓗᑎᒃ ᓄᐊᑦᑎᕙᓪᓕᐊᓪᓗᑎᓪᓗ
ᓄᓇᕗᑦ ᑕᑯᔭᒐᖃᕐᕕᔅᓴᖓᓐᓄᑦ
ᐱᓕᕆᕙᓪᓕᐊᓗᑎᒃ ᐱᓕᕇᓐᓇᕐᓗᑎᓪᓗ ᐊᒻᒪᓗ ᑲᑎᒪᖃᑎᖃᖃᑦᑕᕐᓗᑎᒃ ᐊᑦᑐᐊᔪᓄᑦ ᑕᒪᒃᑯᓄᖓ ᐃᑦᑕᕐᓂᓴᓕᕆᓂᕐᒧᑦ ᑎᒍᒥᐊᖅᑎᐅᔪᓄᑦ,
ᑖᒃᑯᐊᓗ ᑐᙵᕕᒃᑯᑦ, ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᑮᓇᐅᔭᓂᒃ ᐸᐸᑦᑎᔨᖏᓐᓄᑦ, ᓴᓇᖑᐊᕐᑎᒐᓚᐃᑦ ᐊᒻᒪᓗ ᑲᓇᑕᒥᓗ
ᐃᑦᑕᕐᓂᓴᓕᕆᔨᒃᑯᓐᓂ, ᐊᓯᖏᓐᓂᓪᓗ.
ᓄᓇᕗᑦ ᓄᓇᓂᒃ ᐊᑦᑎᓕᕆᔨᒃᑯᖏᑦ ᐃᓕᓴᖅᓯᓯᒪᔪᑦ ᐊᑎᖏᓐᓂ ᓄᓇᐃᑦ ᐊᒻᒪᓗ ᖃᓄᐃᑦᑑᓂᖏᓐᓂ ᓄᓇᕗᒻᒥ. ᑕᒪᔅᓱᒪ
ᑐᕌᒐᖏᑦ ᐸᖅᑭᑦᑎᓂᕐᒥᑦ ᓴᖅᑮᓂᕐᒥᓪᓗ ᐃᓄᐃᑦ ᐅᖃᐅᓯᖏᓐᓂ ᐱᖅᑯᓯᖏᓐᓂᓪᓗ ᐃᓕᓴᕆᔭᐅᓯᒪᓪᓗᑎᒃ ᐊᑎᑐᖃᖏᑦ
ᐃᓄᑦᑎᑐᑦ ᓄᓇᐃᑦ. ᑖᒃᑯᐊ ᐃᑲᔪᖅᑐᐃᔪᑦ ᑮᓇᐅᔭᖅᑎᒍᓪᓗ ᓄᓇᓕᓐᓄᑦ ᖃᐅᔨᓴᕐᓂᖏᓐᓂ ᕿᒥᕐᕈᓂᖏᓐᓂᓪᓗ ᐊᑎᖏᓐᓂ
ᓄᓇᐃᑦ, ᐃᑲᔪᖅᑕᐅᓪᓗᑎᓪᓗ ᓄᓇᕗᑦ ᓄᓇᙳᐊᓕᕆᔨᒃᑯᑦ ᐊᑦᑏᔨᖏᓐᓂ, ᐊᑐᓕᖁᔭᖏᓐᓂ ᑐᓂᓯᕙᑦᑐᑎᒃ ᓄᓇᕗᑦ
ᒐᕙᒪᒃᑯᖏᓐᓄᑦ ᑕᒪᒃᑯᓄᖓ ᐊᑎᓕᐅᖅᑕᐅᔭᕆᐊᖃᕐᓂᖏᓐᓂ.
ᐃᑦᑕᕐᓂᓴᓕᕆᓂᕐᒧᑦ ᐱᓕᕆᐊᔅᓴᐃᑦ
ᓄᓇᕗᑦ ᐃᑦᑕᕐᓂᓴᕐᓂᑦ ᑲᒪᔩᑦ ᑲᒪᖃᑦᑕᖅᑐᑦ ᐸᖅᑭᑦᑎᓪᓗᑎᒃ ᑎᑎᕋᐅᓯᖏᓐᓂ, ᐅᖃᐅᓯᖏᓐᓂ ᑕᕐᕆᔮᔅᓴᖏᓐᓂᓪᓗ ᓄᓇᕗᑦ
ᒐᕙᒪᒃᑯᖏᓐᓂ, ᑎᒍᓯᕙᓪᓕᐊᓪᓗᑎᓪᓗ, ᐸᐸᑦᑎᓗᑎᓪᓗ ᐊᒻᒪᓗ ᑭᒃᑯᑐᐃᓐᓇᐃᑦ ᐱᔪᓐᓇᕋᓗᐊᕐᒪᖔᑕ ᑕᒪᒃᑯᓂᖓ ᐃᓄᐃᑦ
ᐱᖅᑯᓯᑐᖃᒥᓂᖏᓐᓂ ᖃᐅᔨᒪᒋᐊᖃᑦᑕᖅᑐᑎᒃ. ᑕᒪᓐᓇ ᐱᓕᕆᐊᔅᓴᖅ ᐃᑲᔪᖅᑐᐃᔪᑦ ᑮᓇᐅᔭᖅᑎᒍᓪᓗ ᓄᓇᓕᓐᓂᒃ
ᖃᐅᔨᓴᕐᓂᕐᒨᖓᔪᓂᒃ, ᐊᒻᒪᓗ ᐅᖃᐅᔾᔨᒋᐊᖅᑎᐅᓪᓗᑎᒃ ᐊᒻᒪᓗ ᖃᐅᔨᒪᔨᑕᕆᔭᐅᓪᓗᑎᒃ ᑕᒪᒃᑯᓂᖓ
ᐋᖅᑭᓱᖅᑕᐅᕙᓪᓕᐊᔪᓂᒃ ᐃᑦᑕᕐᓂᓴᓕᕆᔨᒃᑯᑦ ᑲᑎᒪᔨᖏᓐᓄᑦ ᓄᓇᕗᒻᒥ.
ᓄᓇᕗᑦ ᐊᖏᔪᖅᑳᖓ ᐃᑦᑕᕐᓂᓴᕐᓄᑦ ᐃᔅᓯᕙᐅᑕᐅᖃᑦᑕᕐᒥᔪᖅ ᑲᑎᒪᓂᐅᔪᓂᒃ ᑕᒪᒃᑯᓂᖓᓪᓗ ᐃᑦᑕᕐᓂᓴᕐᓄᑦ ᐱᖁᔭᕐᓂᑦ
ᑕᐃᒎᓯᖃᖅᑐᖅ ᑭᒃᑯᑐᐃᓐᓇᕐᓄᑦ ᐸᐃᑉᐹᖏᓐᓄ ᑲᑎᒪᔨᕋᓛᖏᓐᓄᑦ. ᑖᒃᑯᐊ ᑲᑎᒪᔨᕋᓛᑦ ᑲᒪᓂᖅᓴᐅᔪᑦ ᓴᖅᑮᓂᕐᒥᑦ
ᐊᐅᓚᑦᑎᓂᕐᒥᓪᓗ, ᐊᒻᒪᓗ ᕿᒥᕐᕈᔨᐅᓪᓗᑎᒃ ᑲᒪᔨᐅᓪᓗᑎᓪᓗ ᐸᐃᑉᐹᕐᓂᑦ, ᐊᒻᒪᓗ ᓱᕋᖅᑎᕆᔪᒪᖃᑦᑕᖅᑐᑎᒃ
ᐸᐃᑉᐹᕐᓂᑦ ᐊᑐᕆᐊᖃᕈᓐᓃᖅᑐᓂᒃ.
ᐃᑦᑕᕐᓂᓴᓕᕆᓂᕐᒧᑦ ᐱᓕᕆᐊᔅᓴᐃᑦ
ᓄᓇᕗᑦ ᐃᑦᑕᕐᓂᓴᓕᕆᓂᕐᒧᑦ ᐱᓕᕆᐊᔅᓴᐃᑦ ᑲᒪᔨᐅᔪᑦ ᐊᐅᓚᑦᑎᓪᓗᑎᒃ ᐸᐸᑦᑎᓪᓗᑎᓪᓗ ᓄᓇᕗᑦ ᐃᑦᑕᕐᓂᓴᖏᓐᓂ.
ᑕᒪᓐᓇ ᐱᓕᕆᐊᔅᓴᖅ ᐊᑐᐊᒐᖃᖅᑐᖅ ᐃᑦᑕᕐᓂᓴᓕᕆᓂᕐᒧᑦ ᖃᐅᔨᒪᕐᓂᕐᒥᑦ ᓄᓇᕗᒻᒥ, ᐱᔪᓐᓇᕐᓂᖏᓐᓂᓪᓗ
ᐊᑐᓕᖁᔭᖏᓐᓂᓪᓗ ᓄᓇᒥ ᐊᑐᖅᑕᐅᒍᒪᔪᓂᒃ ᐃᑦᑕᕐᓂᓴᐃᑦ ᐸᕝᕕᓴᖅᑕᐅᔪᓐᓇᕐᓂᖏᓐᓂ ᑲᒪᔨᐅᓪᓗᑎᒃ, ᐊᒻᒪᓗ
ᐃᑦᑕᕐᓂᓴᕐᒧᑦ ᖃᐅᔨᓴᕐᓂᕐᒥᑦ ᐃᓕᓐᓂᐊᕈᑕᐅᕙᑦᑐᑎᒃ ᐃᓕᓐᓂᐊᑎᑦᑎᒍᑕᐅᓪᓗᑎᓪᓗ ᑕᒪᒃᑯᓄᖓ ᓄᓇᕗᒻᒥᐅᑕᕐᓄᑦ.
ᓄᓇᕗᑦ ᐃᑦᑕᕐᓂᓴᓕᕆᓂᕐᒧᑦ ᐱᓕᕆᐊᒃᓴᖅ ᓴᖀᑎᑦᑎᓯᒪᒋᕗᖅ ᓄᓇᕗᑦ ᐱᑐᖃᖏᑦ. ᑕᒪᓐᓇ ᑲᔪᓯᑎᒐᓱᐊᕐᓂᐊᕐᓗᒍ,
ᐱᓕᕆᐊᔅᓴᓂᒃ ᑲᒪᔩᑦ ᐱᓕᕆᖃᑎᖃᖃᑦᑕᖅᑐᑦ ᓄᓇᓕᓐᓂᒃ, ᒐᕙᒪᒃᑯᓐᓂ ᐊᒻᒪᓗ ᓄᓇᑖᕈᑏᑦ ᐊᖏᕈᑎᖏᓐᓂ ᑲᒪᔨᓂᒃ.
ᐱᕙᓪᓕᐊᑎᑕᐅᓪᓗᓂ ᐊᑐᖅᑐᑎᒃ ᐊᑐᐊᒐᕐᓂᒃ ᑐᒃᓯᕋᐅᑎᓄᑦ ᐊᒻᒪ ᑎᒍᒥᐊᖅᑎᐅᔪᓄᑦ ᓄᓇᕗᒻᒥ ᐃᑦᑕᕐᓂᓴᕐᓂᒃ ᐊᒻᒪ ᐃᓄᓐᓂᒃ ᖃᐅᔨᓴᕐᓂ (pdf)
|
