Pitquhiit taimalu Pitquhiigaluangit

Naunaitut Hanianiitun Ingilraqnitaanik Tutqumaviangan

Pullaqlugu Nunavutim Kingunganiarun

Pitquhiigaluangit Havakviangita mungiyait Nunavutim Pitquhiigaluangit hunavaluingit talvuna nalvaaqghiunikun, nunanik qunngiaktiit, ingilraqnitaanik tutqumaviangan taimalu naunaighimayun havaaghaingit hulitjutiitlu. Tamna Havakvik ikayutigiyaan angighilaanga Nunavutim hunaliulukaaktunik nunani taimalu havakghimaaqtun maliktaghaingit taimalu havaangitlu talvuna munaginikun taimalu nuitipkaihimaaqlugit pitquhiangit akhuuknaqtun Nunavutmi

Ihumagiyauyut:

   -Havaklutik ihuaghaiyangani hulitjutiit talvuna Nunavutim hunavaliuyuktunik nunani
    aullaktigiyangani

   -Munagilugu, ihuaghaiyangani taimalu ikayutigilugit Nunavutim
     pitquhiangit taimalu pitquhigaluangit talvuna nalvaaghiuktiit algakghutik taimalu
     nunanik qunngiahimaaqtun.

   -Tavungaraaluk munaginikun , munaginikun taimalu havatjutaangan Nunavut
     Ingilraangutaingit tutquqviat pukuniq Havaklutik taimalu piqaqlutik nakuuyumik
     havatigun taimalu uqautiinaghutik havaqatigiikpaktun talvuna aviktauhimayunik
     angiyunik pilaqitjutiqahunguyut, ilaupluniklu Nunavut Tunngavikkut, Inuit      Piuttaingit
     Tutqumaviangit, Nunavut Hunaliukghimayut Katimayiingit taimalu Pilirivik talvuna
     Kanatamin Pitquhigaluangit, allatlu.

Nunani Atiit Pinahuarut:

Tamna Nunavut Nunani Atiit Pinahuarut tunihivaktuq kavamatkunin ilitariyauniqmik atiinik nunanik nunanilu naunaittuni Nunavutmi. Tamna piqpiarumayaa pinahuarutmi munarittiarutiniq atuquyaaniklu Inuit uqauhiit pitkuhiitlu imaatun tunihiluni kavamatkunin ilitariyauniqmik tapkununga taimairaangitnaqtunun Inuktitut nunani atiitnun. Tamna pinahuarut tunihivaktuk hanajutini ikayuutinik kiinauyaghakunlu ikayuutinik nunalaanun naunaiyautainnun ihivriuqningitnunlu nunan atiinun, ikayuqhurulu Nunavut Nunani Atiit Katimayiit, tapkuat tunihivaktun piquyagaluaqhimmayamiknik Kavamatkunun Nunavutmi mighaarun kavamakun atiliuqnikun ihumaliuqnikun.

Tutquqtihini Pinahuarut

Tamna Nunavut Tutquqtihini Pinahuarut munariluaqtain tammaqtailiniit tapkunani titiraqhimayuni, uqaqtauhimayuni tautuqnaqtunilu naunaikutaini Kavamatkun Nunavutmi, uvvalu piluni, tammaqtaililurit uvvalu pipqaqlurin inuit piyumayun pitjutimik tapkununga atlanun naunaitkutinun piqaqtun angiyunik inuit ingilraaqnitainnun nunami. Tamna pinahuarut tunihivaktuq hanajutini ikayuutinik kiinauyaghaniklu nunalaanun tapkununga tutquqtihininun naunaiyautighaitnun, uvvalu tunihivaktuklu ukaujautinik ayuiqhimaniniklu taffumunga havaktaulihaaqtumun Tutquqtihini Katimayiit Nunavutmi.

Nunavutim Atanguyak Tutquqtihiuyia ikhivautaqaqtuklu tamainnun timimik maliquyauhimayuk taffumuna Tutquqtihini Maligak atiqaqtuq Tamainnun Naunaitkutin Katimayiit. Taffuma katimayiit havaaluanga atuquyauniuyuq naunaitkutini munariniq, uvvalu munariniqaqtuq kunngiafaaqniitnik ihivriuqniitniklu naunaitkutinik, uvvalu pitquyauraluaqhimaliuqniknik mighaarun ahiruqtiqniitnik nauniaatkutinik huuyungnaiqtunik

Nalvaaqhiuqtini Pinahuarut

Tamna Nunavut Nalvaaqhiuqtini Pinahuarut munariyain munariniit hapukuutiniitlu nunami nalvaaqhiuqnikun atuqtaarutingit. Tamna pinahuarut maligaliuqpaktain nalvaahiuqnikun naunaiyaknikun hulijutiit Nunavutmi, ihivriuqhutik pitquyauraluaqhimaliuqhutiklu mighaarun nunami havaktaunikun hulijutiit hughaungiyaqnahuqquunaqtun nalvaaqhiuqnikun nunainni, uvvalu havaghutik nalvaaqhiuqnikun naunaiyaqniitnik tuniyughanik ilihaujiyighanik ayuiqhaqvighaniklu Nunavutmiutnun, uvvalu angiqliyuumiqlurulu tukihiniqmik nakuuginikmiklu Nunavutim ingilraaninganik. Pinahuarlurit hapkuat piyumayauyun, pinahuarutini havaktiit havaqatirivaktain nunalaani, kavamani nunataghimayunlu havakviit.

Maliktaghaingit Nunavutmi Nunangani Nalvaaghiuqtiit taimalu Uyaqiliqiuyutlu Laisighaingit (pdf)