ᐅᖃᐅᓯᕐᓄᑦ ᐅᔾᔨᕈᓱᓕᖅᑎᑦᑎᓂᖅ ᐃᓕᑉᐸᓪᓕᐊᓂᕐᓗ

ᐱᓕᕆᕝᕕᒋᔭᐅᔪᖅ ᐅᖃᐅᓯᓪᓚᑦᑖᕆᔭᐅᔪᓄᑦ ᐅᔾᔨᕈᓱᓕᖅᑎᑦᑎᒻᒪᕆᒐᓱᖃᑦᑕᖅᐳᖅ ᐊᑐᖅᑕᐅᓂᖓᓂᒃ ᐃᓄᐃᑦ ᐅᖃᐅᓯᖓᓂᒃ ᑕᒪᐃᓐᓄᑦ ᐊᕐᕌᒍᖃᑎᒌᙱᑦᑐᓄᑦ ᐅᑯᑎᒎᓇᖅ ᐱᒋᐊᖅᓯᒪᔭᒥᑎᒍᑦ.

ᑎᑎᕋᓕᕆᑦᑎ! ᓄᓇᕗᒻᒥ ᑎᑎᕋᖅᑳᖁᓴᐅᑎᓪᓗᑎᒃ ᓵᓚᒃᓴᐅᑎᐅᕙᒃᑐᖅ

ᑎᑎᕋᓕᕆᑦᑎ, ᓄᓇᕗᒻᒥ ᑎᑎᕌᖅᑳᖅᑯᓴᐅᑎᓪᓗᑎᒃ ᐊᕐᕌᒍᑕᒫᑦ ᓵᓚᒃᓴᕈᑎᐅᓇᓱᒃᐸᒃᐳᖅ ᑎᑎᕋᖅᐹᓪᓕᕆᐅᖁᔨᔾᔪᑎᐅᓪᓗᓂ ᓴᖅᑭᑦᑏᔾᔪᑎᐅᒋᐊᖅᖢᓂᓗ ᐃᓄᐃᑦ ᐅᖃᐅᓯᖏᓐᓂᒃ ᑎᑎᕋᖅᓯᒪᔪᓂᒃ. ᐅᓂᒃᑳᖅᑐᐊᕆᔭᐅᖁᔭᐅᔪᑦ ᐊᓯᔾᔨᖅᑕᖅᐸᖕᒪᑕ ᐊᕐᕌᒍᑕᒫᑦ ᐊᕐᕌᓂᓕ ᐅᓂᒃᑳᖅᑐᐊᓪᓚᑦᑖᓂᒃ ᑎᑎᕋᖁᔨᓚᐅᖅᖢᑕ.

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ (ᐃᓄᐃᑦ ᐅᖃᐅᓯᖏᓐᓄᑦ ᐱᓇᓱᐊᕈᓯᖅ)

ᑖᓐᓇ ᐱᓇᓱᐊᕈᓯᓕᒫᒨᖓᔪᖅ ᖁᕕᐊᓲᑎᖃᕐᓂᖅ ᐃᓄᐃᑦ ᐅᖃᐅᓯᖏᓐᓂᒃ ᐱᓕᕆᐊᖑᖃᑦᑕᖅᑐᖅ ᕕᕗᐊᕆ ᐱᒋᐊᖅᓯᒪᓕᕌᖓᑦ. ᐃᖅᑲᐃᑎᑦᑎᖃᑦᑕᖅᑐᖅ ᓄᓇᕗᒻᒥᐅᓕᒫᓂᒃ ᐱᒻᒪᕆᐊᓘᓂᖓᓂᒃ ᐊᑐᖅᑕᐅᖃᑦᑕᖅᖢᓂ ᐃᓄᐃᑦ ᐅᖃᐅᓯᖓᑦ ᑕᒫᓂ ᐊᕕᒃᓯᒪᓂᕆᔭᑦᑎᓐᓂ ᐱᕕᖃᖅᑎᑦᑎᕙᒃᖢᓂᓗ ᐃᓄᖕᓂᒃ ᐊᕐᕌᒍᖃᑎᒌᙱᑦᑐᓂᒃ ᐃᓕᑉᐸᓪᓕᐊᑎᑦᑎᓂᕐᒥᒃ, ᐱᓕᒻᒪᒃᓴᓂᕐᒥᑦ ᖁᕕᐊᓲᑎᖃᕐᓂᕐᒥᒡᓗ ᐃᓄᒃᑎᑑᒥᒃ ᐃᓄᐃᓐᓇᖅᑑᒥᒡᓗ.

ᑐᓴᖅᑕᖃᒃᑲᓐᓂᕈᒪᒍᕕᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ ᐱᓕᕆᐊᖑᖃᑦᑕᖅᑐᓂᒃ, ᖃᐅᔨᒋᐊᕐᕕᒋᓗᒍ ᐊᐅᓚᑦᑎᔨ ᐃᓄᒃᑎᑑᒥᒃ ᐱᓕᕆᐊᖃᖅᐸᖕᓂᕐᒧᑦ ᐅᕙᓂ (867) 975-5528.

ᖃᕆᓴᐅᔭᒃᑯᑦ ᐅᑯᐊ ᐱᓗᒋᑦ:
ᐃᓕᓐᓂᐊᕈᑎ (PDF)
ᐅᓂᒃᑳᖅᑐᐊᓕᐅᖅᑳᖅᑯᓴᐅᑎᔾᔪᑏᑦ (PDF)
ᐅᖃᐅᓯᕐᒧᑦ ᖁᕕᐊᓱᖕᓂᕐᒥ ᐃᓕᓐᓂᐊᖅᑎᔾᔪᑎ (PDF)
ᐅᖃᓗᕋᐅᔭᐅᑏᑦ (PDF)
2005-ᒥ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᐱᓕᕆᐊᖑᔪᓐᓇᖅᑐᓄᑦ ᒪᒃᐱᖅᑐᒐᐃᑦ (PDF) (ᑖᓐᓇ ᐱᓯᒪᕙᒌᖅᑕᓯ)
2005 ᐃᓄᒃᑎᑑᖓᓪᓗᑎᒃ ᕿᑐᑦᑐᒐᐅᔭᕐᒥᒃ ᓴᓇᓯᒪᔪᑦ (PDF)