ᐅᖃᐅᓯᕐᒥᒃ ᐊᑐᖅᑕᐅᓛᖑᕙᑦᑐᒥᒃ ᐱᔨᑦᑎᕈᓐᓇᖁᓪᓗᒋᑦ, ᓄᓇᕗᑦ ᒐᕙᒪᒃᑯᖏᑦ ᐃᓄᒃᑎᑐᑦ
ᐊᑐᖅᑕᐅᓂᖅᓴᐅᖃᑦᑕᕆᐊᖃᓕᕋᓗᐊᕐᒪᑦ.
ᐋᖅᑭᒃᓱᐃᔪᖃᕆᐊᖃᕐᒪᑦ ᐃᓄᒃᑎᑐᑦ ᑐᑭᖏᓐᓂᒃ ᐊᑐᖅᑕᐅᔪᓐᓇᖁᓪᓗᒋᑦ ᖃᐅᑕᒫᑦ ᒐᕙᒪᒃᑯᑦ
ᐊᐅᓚᓂᕆᔭᖏᓐᓂᒃ.
ᑐᑭᓕᐅᕆᔩᑦ ᐱᑦᑎᐊᖅᓯᒪᔪᓂᒃ ᑐᑭᓕᐅᕆᖃᑦᑕᕆᐊᖃᓲᖑᕗᑦ ᒐᕙᒪᒃᑯᓐᓄᑦ.
ᓄᑖᕐᒥᒃ ᐃᓕᓴᕆᔭᐅᓯᒪᔪᓂᒃ ᐅᖃᐅᓯᕐᓄᑦ ᒪᓕᒐᖅᑕᖃᕆᐊᖃᖅᐳᖅ ᐱᑕᖃᕆᐊᖃᖅᐳᖅ ᑕᒪᒃᑯ
ᑲᒪᒋᔭᐅᔪᓐᓇᖁᓪᓗᒋᑦ ᓄᓇᕘᒥ ᐃᓄᒃᑎᑐᑐᐊᖅ ᐅᖃᕈᓐᓇᕐᓂᖏᑦ, ᐃᖅᑲᒋᑦᑎᐊᖅᓯᓐᓈᕐᓗᒋᑦ
ᖃᓪᓗᓈᑎᑐᑦ ᐅᐃᕖᑎᑐᓪᓗ ᐅᖃᐅᓯᓖᑦ.
ᓄᓇᕗᑦ ᒐᕙᒪᒃᑯᖏᑦ ᐃᑲᔪᖅᑕᐅᔭᕆᐊᖃᖅᐳᑦ ᐊᑐᓕᖅᑎᑦᑎᓇᓱᐊᖅᑎᓪᓗᒋᑦ ᐃᓄᐃᑦ
ᐃᓕᖅᑯᓯᖏᑕ ᐅᑉᐱᕆᔭᖏᓐᓂᒃ ᑕᒪᒃᑯᐊ ᐊᑐᓕᖅᑎᑕᐅᓗᑎᑦ ᐃᓄᐃᑦ ᖃᐅᔨᒪᔭᑐᖃᖏᑦ.
ᐃᓱᒫᓘᑎᖃᖅᑐᖃᕐᒪᑦ ᖃᐅᔨᒪᔭᐅᔪᑦ ᐊᖏᔪᑦᑎᐅᔪᓄᑦ ᐃᓕᓴᑎᑦᑎᖃᑦᑕᕐᓗᑎᑦ.
ᓄᓇᕘᒥ ᐱᖅᑯᓯᓕᕆᓂᕐᒧᑦ ᑕᑯᒐᔭᖃᕐᕕᑦᑖᕆᐊᓕᒃ.
ᑐᐊᕕᕐᓇᖅᑐᒃᑯᑦ ᐃᓅᒍᒪᓂᕐᒧᑦ ᑎᑎᖅᑲᓂᒃ ᓴᖅᑭᔮᖅᑎᑦᑎᔪᖃᖃᑦᑕᕆᐊᓕᒃ ᓄᓇᕘᒥᐅᑕᓄᑦ.
ᓄᓇᕗᑦ ᑮᓇᐅᔾᔭᒃᓴᓐᖏᓪᓗᑎᑦ ᐃᖅᑲᓇᐃᔭᕐᕕᒃᓴᐅᒐᔭᖅᑐᓂᒃ ᐱᕕᒃᓴᖅᑕᖃᕆᐊᖃᓕᖅᑐᖅ,
ᓄᓇᓕᓐᓂ ᓱᕈᓘᔭᖅᑐᖃᖅᑎᓪᓗᒍ ᐃᓚᐅᖃᑕᐅᓂᖅᓴᐅᒋᐊᓖᑦ, ᐊᒻᒪᓗ ᐃᓕᓐᓂᐊᕐᓗᑎᑦ
ᒪᒃᑯᑦᑐᓂᒃ ᐃᔾᔪᐊᖅᑕᐅᑦᑎᐊᕈᓐᓇᖅᑐᓂᒃ.
ᐃᖃᐃᓕᓴᖃᑦᑕᕐᓂᖅᓴᐅᓗᑎᑦ ᐊᒻᒪᓗ ᐱᓐᖑᐊᖅᑎᑕᐅᖃᑦᑕᕐᓗᑎᑦ ᓄᓇᓕᓐᓂ ᐊᒻᒪᓗ ᓄᓇᓖᑦ
ᐱᓕᕆᐅᑎᖃᑦᑕᕐᓗᑎᑦ.
ᑮᓇᐅᔭᕐᓂᒃ ᐊᑐᐃᓐᓇᐅᒪᔪᖃᕆᐊᖃᓵᓕᖅᑐᖅ ᐱᓐᖑᐊᕐᕕᒃᓴᐅᒐᔭᖅᑐᓂᒃ ᐊᒻᒪᓗ
ᐃᖅᑲᓇᐃᔮᒃᓴᐅᒐᔭᖅᑐᓄᓪᓗ.
ᐃᓄᐃᑦ ᐃᖅᑲᓇᐃᔮᖅᑖᖅᑎᑕᐅᓂᖏᓐᓄᑦ ᐸᕐᓇᒍᑎᐅᔪᑦ ᐊᑐᓕᖅᑎᑕᐅᒋᐊᖃᓕᖅᑐᑦ ᐃᓄᐃᑦ
ᐃᖅᑲᓇᐃᔭᕐᓂᖅᓴᐅᖁᓪᓗᒋᑦ.
