|
Titiraliritti! Nunavunmi Unipkaaliuqtuni Taktakhat
Tamna Nunavunmi Unipkaaliuqtuni Taktakhat ihumaliuqtaat Pitquhiliqiyikkutnit. Ukiuq tamaat taktakhauyuq akhuuquplugit titirariamikni makpiraaliuriamiknilu nutaanik taiguaqtakhanik titiraqhimayunik Inuktitut / Inuinnaqtun. Uumani ukiumi taktakhat Hivulliqpaamut $5 tausit taala Tuglia $3 tausit taala Pingahua $1 tausit taala
Inuulramiit titiraqtamiknik taktakhaq: $800.00
Inuulramiit ukiulit 15nit 30mut.
Uuktuqtaaqninnga
Unipkaaliuqtut quyaginnaq ukiuqaqtut nunaqaqtut Nunavunmi.
Unipkaaliurniq tuniyauyut uuktuqtautjutikhanut titiraqtauhimayukhaq Inuktitut Inuinnaqtunluuniit atuqtauhimakhaunngittuqlu.
Unipkaaliurniq tunittaaqtuq uuktuutiginngitpat taktakhaliuliraangata taktakhamut
Inirnikhat titiralimaitpata titiraqtiqarluni uuktuinnarialgit. Taimaa tamarmik navvaqtakhaa taktakhaq.
Titiraqnahuaqlu ikayuqtiqarluni inirnikhamik ikayuriami taigualiuqniqmut. Talvuuna, inirnikhat ikayuqtauyukhaq ilitariyaugiami uuktuutimi tamarmiklu titiraqtiuyuq inirnikhaqlu ikayuqtuq navvaqtakhaa taktakhaq.
Kikliqarluni malruuk inuk uuktuinnarialgit atauhirmut uuktuutimut.
Uuma ukiup unipkaaliurninnga: Quvianaqtun Unikkaat (qablunaatitut joyful, happy stories)
Qinirhiayugut inuinnait unipkaanginnik titiraqhimayut Inuktitut / Inuinnaqtunlu.
Uuma ukiup unipkaaliurninnga Quvianaqtun Unikkaat, talvuuna titirarit quvianaqtunik alianaqtunik unipkaanik. Unipkaaliunnginnarialik alianaqpiaqtunik, Kulaisimarnirmikluuniit, qangaluuniit pitjutigiyauyuq ayuirhainirmut tamaallu puiguqnaittuq alianaqtuq quvianaqtuqlu. Unipkaaliuqtaaqtutillu ilitquhiitigut quviahuutiqaqniq, ukunatut angulraarutikkut mirrhulraarutikkuluuniit pitquhitigut quviahuutigiyauyuq tamainnut pipkaiyumik.
Tunitjutaunirmut Maliktakhat Umikvikhaalu Tunitjutaunirmut Maliktakhat Umikvikhaalu
Ihumagiyauyukhaq 2008mut Nunavunmi Unipkaaliuqtuni Taktakhaq, unipkaaliurahuat hapkuat maliktakhaat:
Tuniluni aatjikutariamikni unipkaaliuqtamiknik uuktuutimiklu atiliuqtakhamiknik Tocasie Burke-mut Pitquhiliqiyikkunni Nuvaipa 30nguqtinnagu, 2008 5munngaqqat unnuktumi Qikiqtaaluup ublurhiutaatigut.
Unipkaaliuqtat ittukhauyuq aktikkulaaqaqtumut 8 ½” x 11” hunaittumut titiraqtakhaq naunaitqutaqaqlikmik titiraq.
Aturuiqlutit pinniqutilikmik titiraq / Nimiqtautiqaqangittuq titiraq
Titiraqtukhauyutit makpiraap igluinnanut
Makpiraangit nampaqaqtukhat
Unipkaat atiliurhimayukhaq
Unipkaaliuqtat qaritauyakkut aatjikutaliuqlugu titiraqhimayukhaq, iliknikluuniit titiraqlugu atuqlutit argyiqtaqmik qinngnariktumikluuniit ink
Unipkaaliuqtat tuyuqtaukpat kayumiktukkuurutikut, utiqtitauniaquq titirarvikkut qaritauyakkulluuniit uumunnga
cley@gov.nu.ca
Submission form
Submission form (doc)
The Nunavut Literary Prize
c/o Manager of Inuktitut Affairs
Department of Culture, Language, Elders and Youth
P.O. Box 1000, Station 800
Iqaluit, NU X0A 0H0
Tikkuaqtiuyunik Qinirhianuq
Ministauyuq Pitquhiliqiyikkunnut tikkuaqniaqtuq akimayunik qinirhiayukhanik kivalliqmit, kitikmeotmit, qikiqtaalukmillu. Tapkuat tikkuaqtauyut ihivriuqniaqtaik tamaita unipkaaliurhimayut talvannga niruaqniaqtut hivulliuyukhamik, tugliuyukhamik, piingahukhamiklu taktakhanik..
Naunaiqtauniq Akimayunikt
Atingit pingahuuyut Taktakhaqtuni Akimayut naunaiqtitauniaquq una pitillugu Uqausirmut Quviasuutiqarniq (Language Week) Fipyuali 2009mi.
Allamik Naunairumaguvit
Naunairumaguvit, hivayarlugu
Tocasie Burke
Pitquhiliqiyikkutni
Hivayautikkut (867) 975-5528
Kayumiktukkut (867) 975 - 5523 / 5522 / 5504
qaritauyakut: tburke@gov.nu.ca
|
