Havakviutikut

Havaaq Uqauhiq

Pitquhiliqiyun, Uqauhiin, Inirnighan Inulramiillu piniaqtuq havaangit ukunuuna: tunivluni hivulirniq kavamani Inuit Qaujimajatuqangitnik pitjutingit havaamut; atuquplugu aturniq Inuit uqauhiingit havakvikmi iluanilu avikhimayunilu; ikayutivluni maniliungittut, nunamingni ittut inuit unalu timiqutigiyain pitquhitikut, uqauhiq unalu iliquhiq hulilukaaqtunik; ikayuutiquplugit uqarhimaaqtut inirnighat inulramiillu kavamatlu; ikayuqtauquplunilu piyunnautingit angnait inuitlu ayurhautiqaqtut.

(naqitaqattaqlutin)

Hivuliqtiuyut Katimayiit
Hivuuranaqtut Ihumagiyauyut

Pitquhiliqiyun, Uqauhiin, Inirnighan Inulramiillu - Iniqtiriyuq aulatiinga

Atlatqiiguyuq atlanit havakviinit atlani nunani kavamangani, Pitquhiliqiyun, Uqauhiin, Inirnighan Inulramiillu havakvia piliurhimayuq paarutikuplugu akinianga tammaqtaiquplugu atuquplugulu Inuit pitquhingit, iliquhingit uqauhiingitlu. Angiyuq ilanganik iliquhingit Inuit ilauyuq, angiyumiklu tautuktuuyaaqtuq umanga havakvik, pihimaniq havaaq inirnighanut nunani ihumagiyainniklu hivulliuqtunik aturhutik Inuit Qaujimajatuqangitnik, iliquhigitluuniit Inuit ilihimayamingnik. Havakvik munariyuq piquplugu IQ atuquyauquplugit tamainnut Nunavut Kavamangani. Havakvinga havaqatigiyangit inungnut Kavamatlu atanguyait aafisiqarhutik Iqaluit-mi aafisiqarhutiklu Igloolik-mi Kugluktuk-milu.

Umuuna kihimi anginiqaqtuq, tamna Havakvik havaktuq tuniquplugu Nunavummiut atuqtaghainitlu ihariagiyauyuq piquplugit Inuit hivunikhait inuuquplugit, havaquplugit ulapqiquplugit avativutmi ihumagivlugit Inuit pitquhingit, uqauhingit, iliquhingitlu. Atauhiuyuq anginiqaqtuq atuqtaghait Havakvik tuniyuq Nunavummiut manikharvikhait tuniyauhimayut unalu aittutigiyauyut ikayuquplugit maniliugittunut timiqutigiyait atauhiuyutlu piliuquplugit piliriyauyunik tammaqtailiyut atuqtauyutlu Inuit pitquhingit, iliquhingit uqauhiingitluuniit.

Maligaliurniq:

Tautuktuuyaaqtaqut

Pitquhiliqiyun, Uqauhiin, Inirnighan Inulramiillu ilitariyaa piquplugu hivunikhaq inuuquplugu havaquplugulu avativutmi ilitariyait Inuit pitquhingit, uqauhiingit, iliquhingitlu, atuquyaghavut ilihimaaqtuq tamainut Nunavummiut kavamatlu. Taimaatut piquplugit ilauyunik inirnighat inulramiitlu. Iluittuvluni ihumaliurutiptingnik ilitarivlugulu iliquhingit ilumuurutingitlu Nunavummiutnit, Inuit pitquhingit uqauhingitlu atuqtauyughat agitiinariaqaqtavut havakviptingnut.

Anginiqaqtut unalu Ilumuurutait

• Havaatigut atjikutariyamiknik Inuit Qaujimajatuqangit

• Nunavummiut ayuirniqaqtuq uqariamini ilitariyauhimayunik uqauhiq aturumayamiknik, havakviani aturumayamikni, atulirumiuklu kavamani havaat

• Atuquplugu ihumaliuqtut piliurhimayuq uqaqtunikut uqariihimayutlu angirutiyut angikliqtiumik

• Havaqatigiiktut paanariikhutik atlanut havakviknut ikayuutiquplugit
    angikliumiyaamiknik nunani paanariiktumik aktikulaangit unalu inminiirutingit

• Iquhimaittumik ilaujukut uqartaghaaniklu; ihumagiyainiklu ilumuurutiy ainik atlat

• Qangirhinaqtut aulayunik havaaniklu pitaaqtunik tamainnut Nunavummiut

• Tammaqtaiquplugit inuup unalu timiqutigiyait piyunautingit nakuuyumik pitjutingit ihivriurnikut angirutikutlu manikharvikhait apirhiuyut

• Atuquplugit maniit atuttiariirlugit nakuuyumiklu

• Ihivriurlugit tamaita ihariagiyainik Havakviup maniingit uqariiktunik ilihartainik manik

• Ihumagivlugit unalu angikliqtilugit Qingaukmi Pitquyauyut

Inuit Qaujimajatuqangit Nunavutim Kavamanga anginiguyuq upalungaiyautingit. Pitjutauhimayuq tamaita ilangit iliquhingit Inuit pitquhingit ilauvlugit ilumuuritingit, nunakput takuniq, uqauhinga, nunani timiqutigiyain, ilihimayamingnik, inuuhirnikut ayuirniq, takunirlu.

Havakviup pitqutigiyaa munariquplugu atayuqtiriunik Inuit Qaujimajatuqangit tunitjutauyuq Nunavut Kavamangait aulayunik havaaniklu.

Maligavut atuqtavutlu pitquhingit ayurnaittughauyuq ukuninga Inuit ilumuurutingit, pitquhingit, uqauhingitlu.

Inuit piqaqtut nungulaittumik nalunairutingit iliquhiqanginik pihimayuq ikaarnitigut nangariyauyuq ilumuurutinik unalu pitquhingit. Hapkuat ilumuurutiit uqaqtauhimayut nukarhinut Inuknut mikkautitlugit unipkaatigut, atuqtamiknikut, talvuuna iliquhiqanginik iliquhingitlu uqaqtauhimayuq iniqtirutainik atautikuuqtut itqaumaplugit.

Ublumi una havaanguyuq tamnalu qaangiqtuq havaaq uqautigiyauyuq hapkunanga ilumuurutingit aghuurutiyauyunik ulapiqutauyuq munariyunik nutaanitlu timiqutigiyainit. Talvuuna, paqittughauyugut qanuqtut piliurniaqtavut hapkuat ilumuurutingit tatjamut hulilukaaqtugut taimaatut tapkuat ilumuurutivut tuniyauyughaq Nunavummiut ahirulaittumik ilumuurutimut pitjutingit, hapkuninga ilaujutilgit:

Katimaniq Ilumuurut - piqatigiiktuq, irhinaittumik, qitungait, ilumuuqtuq, piqpagiyuq, naalattiaqluni, atjikutariiklugik, anginiqarlugu unalu ukpirilugu.

Havaatigut Ilumuurut - ikayurlugit, qungiarlugit, ayuirharlugit, ilihimaniq, havaqatigiiklugit, nanminiriik, angirutigilugit, tammaqtaiquplugitlu.

Munariniq Ilumuurut - qilanaarhimaittumik, havakturniq, munariniq, hakugikniq, ihuatqiyauyuq, hakugiktuq, ihumaliurniq, hivumuuqtuq, angiuq takuniq pilugu, pihimaaqtuq, iluani-atautikuutuq unalu iquhimaittumik.