Louis Tapardjuk niruaqtauhimavaktuq talvunga Tuklianun Nunavut Maligaliuqvianun Fipyuali 16th, 2004 Nunavutmi Niruaqvianni. Talvuunattauq niruaqtauhimavaktuq Maligaliuqtinun havaqatiminin tikkuaqtauhimayuqlu Ministanguqtihimapluni Pitquhiliqiyikkutni (CLEY) Ministanguqtihimaplunilu Havaktuliqiyikkutni (HR).
Louis inuuhimayuq Januali 30, 1953 iglumi tariup hikuani haniani Aggu Kangirhuani uataani tunuvianilu Hamlangani Iglulium. Nutarautillugu, ilagiyait nuuhimavaktun Iglulikmun talvani angikliliqatirihimayaa Iglulik. Hamlatkunni Katimayuivaktuq Miiyaunguvaghunilu Iglulikmi.
Louis hivuagun aullaqtitauhimayuq Igluligaaryuqmun ilihariaqturvikmun 1959-mi talvani inirhimayaa nuqarhiinni iliharnirniq.
Louis aullaqtihimayaa kitkunnun kivgarutini tahamani Iglulik Co-opmi 12-nik ukiuqaqhuni iliqpiinnik tatatiriyiqattaqtuipluni taimaalu Atannuyanguqpaktuqlu. Kinguagun, niruaqtauhimayuq talvunga Iglulik Co-opmi Katimayiinnun katimayigiupluni talvani Arctic Co-operatives Limited (ACL) Angayuqqaanguyauhimavaktuqlu ACL-m aullaqtilihaanginni ukiunginni.
Louis havakpiarhimayuq talvani Nunavut Nunatarnikkun havarutainni taimaatun pinahuaqtiupluni Katimayiuplunilu tamnaugaluamun Tungavik Federation Nunavutmi, taimaatun Angayuqqaangugami talvani Qikiqtaaluk Avikturhimaniani Inuit Katimaviani (BRIA, tatja QIA-nguqtuq). Uqaallaqattainnaqtuq tapkunani Inuit Pitquhiinni Uqauhiinnilu ilihimayauyuqlu uqaqattaqtiuyuq Inuinnaqnun tapkunani ihumagiyauyuni ukiuqatiriigiyainnin.
Louis, nuliangalu, Lucie, pingahunlu nutaqqatik tatja nunaqaqtuq Iglulikmi. Malguukniklu irniqaqtun tatja nanminirmiknik ilaqaqtuq pammirhaalirhugitlu Igulikmilu.
