Leona Aglukkaq akimavaktuq niguaqtilutik nunani NATTILIK (nunangani Ughuqtuuq Taloyaokmilu) talvuna niguaqtilutik February 16mi,2004mi.
Ms. Aglukkaq niguaqtauvaktuqlu talvuna Hivuliqtiliqiyikkut Katimayiinun tapkunanga Maligaqliuqtiyiini Nunavutmi talvuna March 5mi, 2004mi. Aituqtaupluni Maniliqiyit Havaktaghaingit taimalu Maligaliuqyuangani Hivulliuqtinganilu.
Ms. Aglukkaq inuuvaktuq ukiuktaaqtuni taimalu pamiqtaupluni talvani Thom Baymi, Taloyoakmi Ughuqtuumilu.
Ms. Aglukkaq quviagivaktain havaagivaktain Kavamangani talvani Nunatsiaqmi ammalu Nunavutmi. Ilautjutiqaqtuq talvuna Igluuliqiyiikuni ammalu Havakviangani Maniliqiyiitni, havaghimaaqpaktuq Ataniuvlunilu havakviangani Havaktuliqiyiitni, Ilinniaqtuliqiyiit, Pitquhiatikun Havaktuliqiyiitnilu
Ms. Aglukkaq havakpaktuqlu talvuna Ikayuktiuvaktuq Tuklia Ministamun Havaktuliqiyiitkuni, ammalu Ikayuktiuvaktuq Tuklia Ministamun Kavamangit Nunalinnut Aviktuqtauninginut.
Talvuna September 2000mi April 2002mut, Ms. Aglukkaq havakpaktuqlu Tukliupluni Titiraqtiumi Maligaliuqyuangani Nunavutmi. Niguaqtautinani havakpaktuq Tuklia Ministauvaktuqlu Pitquhiliqiyitkuni Nunavut Kavamanmi.
Ms. Aglukkaq ilauhimaaqpaktuqlu Katimayiinun tapkuninga Iningniit Ilinniaqviit Katimayiinut, Nunavutmi Attuinaqtunik Qimilruiyiit Katimayiingit ammalu talvuna NWT Ilitturinahuaqnikkut Ilinniaqviangani. Ilauvaktuqlu siksinik ukiunik Hamilaatkut Katimayiingani talvani Ikalluktutiakmi
